Ова здравствено тврдење е помалку моќно бидејќи, иако е поткрепено со научни докази, не го исполнува построгиот стандард на научниот консензус.
Американската Администрација за храна и лекови (FDA), со одлука која се подготвувала речиси пет години, им дозволи на производителите на јогурт да наведат дека оваа храна може да го намали ризикот од дијабетес тип 2, пренесува CNN.
Одлуката го означува првото здравствено тврдење кое федералната агенција го издала за јогуртот, но тој е помалку моќен бидејќи, иако е поддржан од научни докази, не го исполнува построгиот стандард на научниот консензус, соопшти FDA.
За да се осигура дека овие тврдења не се погрешни, тие мора да бидат придружени со одрекување или друг соодветен јазик за прецизно да се пренесе на потрошувачите нивото на научни докази што го поддржуваат тврдењето.
Во случај на јогуртот, прифатено е дека, според ограничените научни докази, редовното консумирање јогурт, најмалку 2 чаши (3 порции) неделно“ може да го намали ризикот од болеста која погодува околу 462 милиони луѓе ширум светот.
FDA заклучи, врз основа на две студии, дека оваа препорачана количина на јогурт е потребна за да се постигне наведениот ефект.
Направен од млеко ферментирано со бактерии или пробиотици Lactobacillus bulgaricus и Streptococcus thermophilus, јогуртот е богат со калциум, протеини, витамини од групата Б и минерали, вклучувајќи магнезиум, фосфор и калиум.
Овој потег доаѓа како одговор на петицијата од 2018 година поднесена од компанијата за храна и пијалоци Danone North America. Поднесокот ја поттикна FDA да ги разгледа постојните истражувања за врската помеѓу јогуртот и дијабетесот тип 2, се вели во соопштението за печатот.
Петицијата да се дозволи квалификувано здравствено тврдење поврзано со дијабетес тип 2 да се појави на етикетите на јогуртот била поткрепена со соодветни чекори и вклучува рецензирани истражувања за поддршка на нивната петиција, рече д-р Caroline Passerrello, регистриран диететичар нутриционист и инструктор на Faculty of Health and Rehabilitation Sciences, University of Pittsburgh.
Но, покрај тоа што се ограничени, овие студии исто така не се многу моќни, рече Passerrello.
Начинот на кој е спроведено истражувањето значи дека не можеме со сигурност да кажеме дека постои причинско-последична врска, туку повеќе корелација помеѓу дијабетес тип 2 и јогуртот.
FDA ретко донесува одлуки да ги дозволи овие типови здравствени тврдења и во изминатата деценија го направи тоа само за 10 намирници, вклучително и какао во прав со висок флавонол за намален ризик од кардиоваскуларни болести и одредени производи од брусница за намалена шанса за повторување на инфекции на уринарниот тракт кај жените.
Д-р. Marion Nestle, професорка по исхрана, здрава храна и јавно здравје на Универзитетот во Њујорк, ја критикува одлуката и прашува: Зошто некој разумен човек би помислил дека сè што треба да направите за да спречите дијабетес тип 2 е да консумирате 2 чаши јогурт неделно?
Таа додава и дека сè на што можеме да се надеваме е дека јогуртот е барем незасладен, но бидејќи е навистина тешко да се најде незасладен јогурт, ова им кажува на луѓето кои сакаат да избегнат дијабетес тип 2 дека засладените јогурти се добри за нив.
Според прегледот на студиите на FDA, количината на шеќер во јогуртот не влијаела на резултатите“, додава Nestle. Затоа, за FDA, шеќерот не е проблем.
Секој јогурт може да се повика на научното тврдење на FDA се додека ја користи точната формулација наведена од агенцијата, додава Nestle.
Високата потрошувачка на додаден шеќер е поврзана со поголем ризик од развој на дијабетес тип 2, според повеќе студии.
Според неа, на сомнежот на тврдењето на FDA е и фактот дека причината за дијабетес тип 2 е повеќеслојна, па иако јогуртот може да биде дел од здравата исхрана за одржување на телесната тежина, очекувањето дека самиот јогурт ќе биде каузално поврзан со превенцијата од дијабетес нема смисла надвор од контекстот на исхраната воопшто.
Во овој контекст, кога се оценуваат здравствените тврдења на производот за да се направи најдобриот избор за вашата исхрана и здравствена состојба, користењето на „здравиот разум“ е клучно, додава Nestle.
