Понекогаш вирусот развива случајна мутација што му дава предност на подобра преносливост или поефикасна репликација.
Невакцинираните лица не само што го ризикуваат сопственото здравје, туку се изложени на ризик за сите доколку се заразат со коронавирусот, велат експертите за заразни болести. Ова е затоа што единствениот извор на нови верзии на коронавирусот е тело на заразено лице, пишува Си-Ен-Ен.
“Невакцинираните лица се потенцијални фабрики на варијанти. Колку повеќе невакцинирани луѓе има, толку е поголема веројатноста за размножување на вирусот. Кога тоа ќе се случи, тој мутира и може да исфрли мутирана варијанта што е уште посериозна”, изјави д-р Вилијам Шафнер за Си-Ен-Ен професор на Одделот за инфективни болести на Медицинскиот центар на универзитетот Вандербилт.
Сите вируси мутираат, иако коронавирусот не е особено склон кон мутации, тој се менува и еволуира. Повеќето промени во вирусот не значат ништо, а некои можат да го ослабнат. Но, понекогаш, вирусот развива случајна мутација што му дава предност, како што е подобра преносливост или поефикасна репликација или можност да зарази разновидни домаќини.
Вируси кои се шират поефикасно
Ако мутантот е доволно успешен, станува варијанта, но мора да се повтори за да биде тоа. Невакцинираните лица даваат можност вирусот да се реплицира и мутира.
„Како се појавуваат мутации кај вирусите, така оние кои перзистираат го олеснуваат ширењето на вирусот кај популацијата“, изјави за Си-ен-ен Ендру Пекош, микробиолог и имунолог од школата за јавно здравје на Johns Hopkins Bloomberg. „Секој пат кога вирусите се менуваат, тоа му дава на вирусот различна платформа за додавање на повеќе мутации. Сега имаме вируси кои се шират поефикасно“.
Нераспространетите вируси не можат да мутираат. Варијанти се појавија низ целиот свет, варијантата Б.1.1.7 или алфа за прв пат е откриена во Англија. Варијантата Б.1.351 или бета за прв пат е забележана во Јужна Африка. Делта варијантата, исто така наречена Б.1.617.2, за прв пат е откриена во Индија. САД претстави неколку свои верзии, вклучително и Б.1.427 или епсилон лоза, која за прв пат е видена во Калифорнија и варијантата Б.1.526 или ета, за прв пат видена во New York.
