Вкупната тежина на копнените цицачи кои живеат во дивината – од слонови и бизони до елени и тигри – денес е помалку од 10 отсто од вкупната тежина на сите мажи, жени и деца кои живеат на нашата планета, пишува Guardian.
Студијата на израелскиот Weizmann Institute of Science заклучува дека денешните диви копнени цицачи сочинуваат вкупна маса од 22 милиони тони.
За споредба, човечката популација денес тежи околу 390 милиони тони.
Домашните видови како овците и говедата додаваат уште 630 милиони тони вкупна маса на суштествата кои се „натпреваруваат“ со цицачите во дивината за ресурсите на Земјата.
Само биомасата на свињите, на пример, е речиси двојно поголема од вкупната биомаса на дивите копнени цицачи.
Бројките јасно покажуваат дека човечкото претворање на дивината и природните живеалишта во огромни глобални насади има катастрофални последици за дивиот свет.
Романтичната идеја дека Земјата е планета која сè уште е покриена со огромни рамнини и џунгли преполни со диви животни е во спротивност со реалноста, истакнуваат авторите на студијата.
Документарците не ја прикажуваат реалноста
Како што човечката популација на Земјата се приближува до бројката од речиси осум милијарди, природниот свет и дивиот свет постепено исчезнуваат.
Кога гледате документарци за дивиот свет на телевизија, лесно може да претпоставите дека цицачите се снаоѓаат добро во дивината, вели водечкиот автор на студијата Ron Milo.
Но, таа претпоставка е погрешна. Напротив, не им оди толку добро. Нивната вкупна маса е околу 22 милиони тони, што е помалку од 10 проценти од вкупната маса на човештвото. А кога на тоа ќе ги додадеме нашите говеда, овци и друг добиток, тоа е уште 630 милиони тони или 30 пати повеќе од вкупната маса на дивите животни. Податоците се поразителни и повик за будење на човештвото, објасни Ron.
Студијата насловена како „Глобална биомаса на дивите цицачи“, објавена во американското списание Proceedings of the National Academy of Sciences, исто така открива дека оние кои најдобро поминуваат – како што се белоопашите во САД и дивите свињи – се исто така оние што се полесно се прилагодуваат до присуството на луѓето.
Двата вида можат да се најдат во близина на населбите, а повремено се третираат како домашни миленици.
Дури и во дивината, отпечатокот на хуманоста е очигледен, додаде Milo.
Мачките тежат колку африканските слонови
Научниците утврдиле дека вообичаените видови на домашни миленици покажуваат колкаво влијание имаат луѓето на планетата на која сите живееме.
Кучињата имаат вкупна маса од околу 20 милиони тони, бројка блиска до комбинираната биомаса на сите диви копнени цицачи, додека мачките имаат вкупна биомаса од околу два милиони тони, речиси двојно поголема од онаа на африканскиот слон.
Овие масовни соодноси на припитомени и диви животни укажуваат на голема и активна улога на луѓето во бројноста на цицачите на Земјата, наведуваат истражувачите во својата работа.
Студиите за биомаса не се единствениот начин за квантифицирање на животинскиот свет. И бројот на животинскиот свет е од големо значење. И тој е исто така во пад.
Биомасата е комплементарна на богатството на видовите и другите показатели на различноста и може да послужи како показател за изобилството на диви цицачи и нивниот еколошки отпечаток на глобално ниво, заклучуваат истражувачите.
