Во шестата недела од бременоста, ултразвукот може да открие “мало треперење во областа која ќе биде идното срце на бебето”.
Досега годинава, 11 држави усвоиле 90 со кои се ограничува абортусот, најмногу во една година од пресудата на предметот Roe v. Wade во 1973 година. Пратениците во девет американски држави донеле закони со кои се забрануваат абортуси кога може да се открие фетално чукање на срцето или во шестата недела од бременоста, пишува Scienjece Alert.
Но, се поставува прашањето, што точно мислиме кога зборуваме за “фетално чукање на срцето” во шестата недела од бременоста? Иако некои луѓе би можеле да замислат орган во форма на срце како чука во внатрешноста на фетусот, тоа всушност не е така.
Наместо тоа, во шестата недела од бременоста, ултразвукот може да открие “мало треперење во областа која ќе стане идното срце на бебето”, вели д-р Saima Aftab, директор на Центарот за нега на фетусот во Детската болница Никлаус во Мајами.
Тоа треперење се случува бидејќи групата клетки што ќе станат идниот „стимулатор“ на срцето добива способност да испушта електрични сигнали, објасни таа.
Отчукувањата не се слушаат
Сепак, срцето во оваа фаза е далеку од дека е целосно формирано и “чукањето” не се слушаат. Кога лекарите би ставиле стетоскоп на стомакот на жената толку рано во бременоста, не би го слушнале отчукувањето на срцето, изјави Aftab за Live Science.
И така, само во осмата недела од бременоста, бебето се нарекува фетус. Пред тоа, според Cleveland Clinic, тој сѐ уште се сметал за ембрион.
Само во последните неколку децении лекарите успеале да го откријат ова треперење во шестта недела, благодарение на употребата на пософистицирани ултразвучни технологии, рече Aftab. Претходно, таа технологија не била доволно напредна.
Иако се чини дека од голема важност е откривањето на овој потрес, “тоа во никој случај не значи виталност на срцето” или одржливост на бременоста, рече Aftab.
Процес на развојот
Срцето мора да се развие пред да се формира целосно. Навистина, целиот прв триместар од бременоста е време на “органогенеза” или формирање органи, вели Афтаб.
По откривање на треперењето во шестата недела, срцевиот мускул продолжува да се развива во следните четири до шест недели, поминувајќи преку преклопување и виткање за да му овозможи на срцето да ја добие конечната форма, рече Aftab. Во текот на првиот триместар, “голем дел од развојот на срцето сѐ уште трае”, заклучи таа.
