Градовите Khirbet Qeiyafa, Tell en-Naṣbeh, Khirbet ed-Dawwara, Lachish и Beth Shemesh биле откриени одделно, но израелски археолог ги поврзал точките и утврдил дека тие формирале организирана урбана мрежа управувана од библискиот крал Давид.
Yossi Garfinkel, археолог од Hebrew University во Jerusalem, тврди дека урнатините на пет утврдени градови лоцирани надвор од Ерусалим припаѓале на истото кралство со кое владеел библискиот лик, кралот Давид.
Студијата на Garfinkel, објавена во списанието Jerusalem Journal of Archaeology, сугерира дека овие градови биле изградени околу 1000 година п.н.е., што ги става околу 200 години порано отколку што се верувало.
Намерата не била да се докаже Библијата
Градовите Khirbet Qeiyafa, Tell en-Naṣbeh, Khirbet ed-Dawwara, Lachish и Beth Shemesh биле откриени одделно, но Garfinkel ги поврзал точките и утврдил дека тие формираат организирана урбана мрежа. Овие градови споделуваат заеднички карактеристики како што се два паралелни ѕида во центарот и добро испланирани патишта, кои укажуваат на нивната поврзаност.
Додека приказната за кралот Давид се дебатира поради недостаток на докази, Garfinkel појаснува дека неговата намера не е да ја докажува Библијата.
Постојат библиски традиции и можеме да видиме дали тие имаат историски спомени или не. Некогаш има грешки, понекогаш тоа се само желби, а понекогаш има идеологии, рече Garfinkel.
Што е заедничко за сите пет градови?
Утврдениот град Khirbet Qeiyafa, ископан помеѓу 2007 и 2013 година, открил две порти, два плоштади, градски ѕид од каземати (во утврдувањата тоа се простории заштитени од непријатели, за сместување на персонал, материјали итн.), појас на згради покрај ѕидот, голема зграда со столбови и истакната јавна градба на највисоката точка на локацијата.
Beth Shemesh, откриен во 1911 година, имал и ѕид од казамат изграден од масивни камења.
Tell en-Naṣbeh, ископан од 1926 до 1935 година, покажал ѕид од каземати што го опкружувал градот, со куќи кои ги вклучуваат казематите како задни простории.
Khirbet ed-Dawwara, ископуван во 1985 и 1986 година, се состоел од една фаза од населбата со остатоци од четирисобни куќи и казаматска тврдина.
Tel Lachish, опширно истражуван од 1932 година, е опкружен со ѕид.
Староста е утврдена со јаглеродно датирање на расфрлани маслинови семки во урнатините
Garfinkel ја одредил староста на локалитетите користејќи јаглеродно датирање на расфрланите маслинови семки пронајдени во урнатините. Јаглеродното датирање е метод со кој се проценува староста на органскиот материјал со анализа на преостанатите атоми на јаглерод-14, кои се распаѓаат со текот на времето.
Покрај одредувањето на староста, Garfinkel нашол и прото-ханаански и ханаански натписи на некои локации, што укажуваат на зголемена побарувачка за комуникација што сугерира централизирана власт и силно кралство.
Прекумерно поедноставување?
Сепак, не сите археолози се согласуваат со тврдењата на Garfinkel. Професорот Aren Maeir од Bar Ilan University изрази скептицизам.
Мислам дека тоа е претерано поедноставување… Има многу мали детали со кои не се согласувам, а има генерализации во широк период кои се проблематични, вели Maeir.
Тој, исто така, додаде дека иако можеби имало мало кралство во Ерусалим, опсегот на неговото влијание останува неизвесен.
