Чипсот бил направен за прв пат во 1853 година во државата Њујорк.
Летото истата година, главниот готвач во ресторан во Саратога Спрингс, Џорџ Крам, добил нарачка – помфрит.
Гостинот ја добил својата порција, но не бил задоволен од тоа, жалејќи се дека компирот е премногу густо исечен и побарал друг.
Крам исекол потенки парчиња, ги испекол и повторно ја испратил нарачката. Гостинот сè уште не бил задоволен.
Изнервиран, Крам ги исекол компирите толку тенки што било невозможно да се јадат со вилушка. Гостинот бил воодушевен и така се родила една од најпопуларните закуски во светот.
Наскоро, чипсовите биле на постојаното мени во тој ресторан, а Крам на крајот отворил свој ресторан.
За сето ова време, компирот се чистел и сечел рачно, а со откривањето на механичката лушпалка за компир во 1920-тите се отвори патот на чипсот до светската слава.
Од своето пронаоѓање па сè до 1920 година, чипсот бил посебна карактеристика на Нова Англија, кога Херман Леј, патувачки трговец од американскиот југ, ги популаризирал закуските сè од Атланта до Тенеси.
Компирот денес е најраспространета храна во светот, по оризот, а тенките, солени и крцкави ливчиња од компир се омилена закуска за сите нас.
