БРИТАНИЈА СЕ ВРАЌА ВО ЕУ ?! Саксо банка предвидува ПОЛИТИЧКИ ЗЕМЈОТРЕС во Лондон

532

Во извештајот на данската Саксо банка за 2023 година, беше наведено дека следната година се очекува вртоглав скок на цената на златото, премин кон режим на „воена економија“, како и референдум за Брегзит.

Во годишниот извештај на данската банка, објавен претходно овој месец, таа очекува глобалните економии да преминат во режим на „воена економија“, „каде што суверените економски придобивки и самодовербата ја надминуваат глобализацијата“.

Меѓу главните најави на банката за следната година, менаџерот за стоковна стратегија на Saxo Bank, Оле Хансен, предвиде дека цената на златото би можела да надмине 3.000 долари за унца во 2023 година – околу 67 отсто повисока од сегашната цена од околу 1.797 долари за унца, известува Investor.

„Не би ме изненадило да видам стоковно ориентирани економии кои бараат злато поради недостаток на подобри алтернативи“, рече Стен Јакобсен, главен инвестициски директор на банката, пренесува SEEbiz.

„Мислам дека цената на златото ќе се зголеми“, додаде тој.

Аналитичарите го сведуваат предвидениот пораст на три фактори: „растечки менталитет на воената економија“ што го прави златото попривлечно од девизните резерви, големите инвестиции во новите приоритети за национална безбедност и зголемувањето на глобалната ликвидност додека креаторите на политиката се обидуваат да избегнат должнички дебакли во своите држави.

Од друга страна, иако аналитичарите очекуваат пораст на цените на златото во 2023 година, според глобалната компанија за разузнавање на стоки CRU, зголемувањето на тие димензии е малку веројатно.

„Нашите ценовни очекувања се многу поумерени“, рече Кирил Кириленко, виш аналитичар во CRU.

„Потезите на Банката на федерални резерви најверојатно ќе доведат до послаб долар, што пак може да му даде на златото повеќе простор за раст следната година, притискајќи ги цените поблиску до 1.900 долари за унца“, рече тој.

Кириленко, сепак, нагласи дека се зависи од потезите на Федералните резерви.

Референдумот за Брегзит

Главниот директор за инвестиции на Саксо банка, Стен Јакобсен, исто така предвидува дека следната година најверојатно ќе се одржи уште еден референдум за Брегзит.

„Всушност мислам дека тоа е една од работите што е многу веројатна“, рече Јакобсен.

Стратегот на пазарот на Саксо, Џесика Амир, рече дека британскиот премиер Риши Сунак и неговиот канцелар на финансии Џереми Хант би можеле да го спуштат рејтингот на Конзервативната партија на „невидено ниско ниво“ бидејќи нивната „брутална фискална програма ја втурнува Британија во длабока рецесија“.

Ова, предвидува банката, би можело да ја поттикне англиската и велшката јавност да го преиспита гласањето за Брегзит, при што помладите гласачи ќе предводат и ќе го принудат Сунак да распише општи избори.

Амир рече дека опозициската Лабуристичка партија тогаш би можела да победи на изборите и да вети референдум за поништување на Брегзит на 1 ноември, со победа на гласањето за повторно приклучување.