Неодамнешните археолошки ископувања откриле остатоци од цистерциски манастир Deer, основан во 1219 година, на само 80 метри од урнатините на истоимената опатија, во близина на денешното село Mintlaw (Aberdeenshire, Scotland).
Цистерцијците се гранка на бенедиктинскиот ред со многу строги, аскетски правила на живот во манастирот. Облеката на редот е бела.
Ископувањето, предводено од археологот Alice Jaspars од University of Southampton (England, UK), открило дека дупките во земјата, кои некогаш имале површинско дрво или камен, се од истиот период како и галските записи во Book of Deer.
Книгата (англиски: Book of Deer, шкотски: Leabhar Dhèir), е напишана помеѓу 850 и 1000 година, ги содржи најраните познати примери на шкотско галскиот јазик, кои биле додадени од монашките монаси кон крајот на 11 и почетокот на 12 век.
„Книгата (Book of Deer) е витален ракопис во историјата на Шкотска, а нашите претпоставки се потврдени со ископувањето во 2022 година каде го најдовме изгубениот манастир“, тврди Jaspars.
При ископувањата, археолозите пронашле и средновековна керамика, фрагменти од стакло, пенкало и табли за играта hnefatafl, слична на шахот, популарна до средниот век.
Овие откритија укажуваат на постоење на манастирски комплекс во областа, заклучува тимот. Тие планираат да ги објават резултатите во академско списание во наредните месеци. Ќе ги презентираат своите наоди пред членовите на Шкотското археолошко друштво.
