Обезбедете ги следниве намирици
- 7 лажици грахам брашно
- 7 лажици обично бело брашно
- 2 лажици сусам
- 2 супени лажици ленено семе
- 3 лажици семки од сончоглед
- 3 лажици семки од тиква
- 20 гр квасец
- лажичка мед
- половина лажичка сол
- 250 мл млака вода
- 50 мл маслиново масло
Подготовка
Во подлабок сад за матење сипете ги двата вида брашно, сусамот и ленот, сончогледот и семките од тиква, малку сол и сето убаво измешајте.
Во меѓувреме, во чаша измешајте го квасецот со медот и околу 100 мл топла вода. Оставете да нарасне.
Направете дупка на средината од смесата со брашно, па прелијте ги со квасецот и маслото, па сè измешајте со лажица и додадете малку вода, додека не добиете компактна маса.
На крај со рака измешајте малку. Тестото не треба да се лепи за прстите, а по потреба додадете уште малку обично брашно.
Калапот за лебот со димензии 30 x 11 сантиметри намачкајте го со малку масло и потоа ставете го тестото, убаво развлечете го, покријте го со крпа и оставете го да нарасне на топло.
Загрејте ја рерната на 180 степени и печете го лебот околу триесет минути, т.е. додека убаво не порумени.
Извадете го лебот на кујнска крпа, завиткајте го и оставете да се излади.
