Магијата, црна или бела, е присутна уште од најраните култури, па дури и во 21 век има важна религиозна и исцелителна улога во многу делови од светот.
Бидејќи современото општество денес ја третира како суеверие, магијата најчесто се практикува во тајност, изолирана од очите на јавноста.
Векови наназад, низ светот постоеле училишта за магија, а едно од нив било и Црното училиште во Wittenburg, Германија од 18 век, училиште во кое вештерките и волшебниците можеле да ги научат сите тајни на црната магија.
Главниот прирачник во Црното училиште била книгата наречена „Clavis Inferni sive magia alba et nigra approbata Metatrona“ или „Клучот на пеколот со бела и црна магија одобрена од Метатрон“, попозната како Црна книга. (Според еврејските средновековни документи, Metatron e Henok, предок на Ное кој станал ангел.)
Црната книга на Витенбург е напишана со магично писмо што се користело во Германија во 18 век, кое се состоело од комбинација на германски, хебрејски, латински и грчки јазик. Автор на книгата бил Св. Кипријан Антиохиски, волшебник кој се занимавал со демоните и ѓаволот пред да се заљуби во една христијанка поради која на крајот и самиот ќе се преобрати во христијанство (така што со рацете направил крст и се ослободил од Сатаната).
