Сингапурското Министерство за здравство последните денови известува за рекорден број на заболени и заразени.
Научниците од Сингапур осмислиле уред кој открива коронавирус во воздухот во затворени простории, зголемувајќи ја можноста за “воздушно набљудување” на вирусот како дополнување на тестирањето поединци.
Методот за земање примероци од воздухот значи “рано предупредување на ризик од инфекција” и би можело да биде можно во болнички одделенија и пензионерски домови, а може да се зголеми способноста за следење на вирусот на јавни места каде што луѓето се собираат во затворени простории, како што се ресторани и кина.
Примероците од воздух го откриваат вирусот подобро од површинските брисеви
Тим научници и доктори од Технолошкиот универзитет Nanyang, Singapur (NTU Singapore) и Националниот универзитет во Сингапур (NUS) ги споредиле резултатите од земање примероци од воздух со резултатите од површинските брисеви земени од две локални болнички одделенија за време на првиот бран на епидемијата на коронавирус во Сингапур минатата година и утврдиле дека примероците од воздухот подобро го откриваат вирусот од површинските брисеви.
Според Irvan Luhung, коавтор на студијата од NTU, резултатите покажале “разноврсност и чувствителност на земање примероци од воздух за следење на SARS-CoV-2 во болнички средини, нешто што претходно не се сметало за можно поради силната вентилација на болничките одделенија”.
Рекорден број на заболени и заразени
Сингапурското Министерство за здравство известува за рекорден број заболени и заразени во последните денови, со дневен број на случаи од околу 3.500 оваа недела и девет смртни случаи во вторникот, најмногу во еден ден.
Според тимот на NTU- NUS, ова брзо ширење на вирусот „ја нагласува потребата за брза идентификација на присуството на SARS-CoV-2 во околината“.
