Совршено зачувано гнездо со 30 фосилизирани јајца на диносаурус, стари 130 милиони години, пронајдено е во Кина.
Гнездото е откриено за време на градежни работи во кинескиот град Ганжу, познат како „родниот град на диносаурусите“, јавија локални медиуми.
Работниците забележале камења со овален облик во земјата кога со експлозив го разбивале тлото.
Се посомневале дека се работи за јајца од диносауруси и веднаш ги прекинале работите и ја известиле полицијата. Градилиштето е затворено, а известен е и обласниот музеј.
Експертите од музејот во областа Дају соопштија дека се работи за фосилизирани јајца на диносаурус од добата на јура. Меѓу јајцата е воочена црна маса за која е утврдено дека се работи за лушпа.
Градот Ганжу и околните подрачја се богати со наоѓалишта на јајца од диносауруси, особено од видот овираптор.
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
