Исландската сеизмолошка служба денес објави дека минатата недела се регистрирани околу 17.000 земјотреси во југозападниот регион Рејкјанес.
Најсилниот земјотрес бил со јачина од 5,6 степени и се случил на 24 февруари, а го почувствувале и жителите на главниот град Рејкјавик и околните места каде што живеат две третини од населението на Исланд.
После тоа, биле регистрирани уште два силни земјотреси со јачина над 5,0 степени, а тие се случиле на 27 февруари и 1 март.
Земјотресите не предизвикаа голема материјална штета, иако Агенциијата за патишта на Исланд објавија дека има мали оштетувања на асфалтот на регионалните автопати.
