Мостот е подолг од половина километар и нуди спектакуларен поглед на кањонот.
На околу 60 километри од Порто, наскоро во португалскиот град Арука ќе биде отворен најдолгиот пешачки висечки мост во светот. Долг е 516 метри, поради што го доби името 516 Арука.
Мостот се наоѓа над кањонот на реката Паива, изграден е 175 метри над земјата, а широк е 1,2 метри. Направен е од челични кабли и метални решетки, а е поставен помеѓу два огромни бетонски столба.
Потребни се пет до десет минути за пешачење од едниот крај до другиот, во зависност од тоа дали ќе застанете за време на преминот или ќе застанете и ќе уживате во спектакуларниот поглед на кањонот.
Планирано е мостот 516 Арука да биде отворен во текот на 2021 година. Кога ќе го преминат првите пешаци, овој мост ќе може да влезе во Гинисовата книга на рекорди како најдолг висечки пешачки мост во светот.
Засега титулата ја носи мостот Чарлс Куонен во Зермат, Швајцарија, долг околу половина километар.
