Кето-диетата е една од најпопуларните, која дава одлични резултати во однос на губење вишок килограми и надворешен изглед.
На приказната за кето-диетата „паднал“ и Дру Харисберг, фитнес-инструктор од Сиднеј, кој цели осум години го применувал овој режим. Но, што има да каже сега?
„Со кето-диетата се слаби однадвор, а дебели однатре и ова треба да биде официјалното мото на диетата. Исхраната заснована на масти доведува тие да се собираат во и околу мускулните влкна и да предизвика инсулинска резистенција. Многу луѓе не се свесни за тоа, бидејќи не боледуваат од дијабетес, па поради тоа и не ги контролираат шеќерот и инсулинот“, напишал Харисберг.
Дру сега развил интолеранција на јаглехидрати и инсулинска резистенција. Боледува од дијабетес тип 1 и е целосно уверен дека и многу луѓе живеат со истата состојба, а воопшто не се свесни за тоа. Иако кето-диетата одржува стабилни нивоа на шеќерот и инсулинот, инсулинската резистенција не покажува никакви симптоми, сè додека не се испита кај лекар. Кога телото е адаптирано да троши и користи само масти, станува нетолерантно на други нутритивни состојки.
