ДНК анализата на посмртните останки во масовна гробница во урнатините на познатиот град на Маите, Chichén Itzá, во денешно Мексико, ја откри практиката на ритуално жртвување на машки деца, според неодамна објавеното истражување.
Меѓународен тим на истражувачи спроведе длабинска генетска студија на посмртните останки на 64 деца кои ритуално биле погребани во храмот Chichén Itzá помеѓу 500 и 900 година од нашата ера.
Анализата покажа дека сите деца се од машки пол, на возраст меѓу три и шест години и тесно поврзани, вклучувајќи и две групи идентични близнаци.
Се смета дека тие биле жртвувани во период од 500 години, иако повеќето биле погребани за време на 200-годишниот политички врв на Chichén Itzá помеѓу 800 и 1000 година, според истражувањето објавено во списанието Nature.
Наодите укажуваат на поврзаност со митовите Popol Vuh од потеклото на Маите, свет текст кој ги прикажува таканаречените близнаци хероји, централни фигури во митологијата на Маите кои биле трансформирани во Сонце и Месечина.
Според Ministry of Culture of Mexico, ова е првпат близнаци да се идентификуваат во антички контекст на погребување на Маите.
Коавторката Kathrin Nägele од Germany’s Max Planck Institute for Evolutionary Anthropology, рече дека идентификувањето на два пара идентични близнаци било изненадувачко.
– Наодите ни кажуваат дека децата биле избрани во парови за ритуални активности, рече Oana Del Castillo-Chávez, коавтор и истражувач во Department of Physical Anthropology of Mexico’s INAH Yucatán Center.
Извештаите од почетокот на 20 век лажно популаризираа ужасни приказни за млади жени и девојки кои биле жртвувани таму, рече Christina Warinner, водач на групата во Max Planck Institute for Evolutionary Anthropology.
Ова истражување, спроведено како блиска меѓународна соработка, ја превртува таа приказна и открива длабоки врски помеѓу ритуалното жртвување и циклусот на смртта и повторното раѓање опишани во светите текстови на Маите.
