Тим на истражувачи од Fudan University дизајнирал имплантиран уред кој се состои од биокомпатибилен полиимид на база на карбонил и метален цинк.
Кинеските научници развиле имплантирачка и самополнeчка батерија која помага во уништување на клетките на туморот со регулирање на микросредината која го поддржува растот на туморот.
Студијата беше објавена во саботата во научното списание Science Advances и ја објаснува работата на батеријата, која, во комбинација со пролекот тирапазамин, успеа да го намали обемот на туморот во просек за 90 проценти во рок од две недели, елиминирајќи ги туморите во четири од пет лабораториски глувци.
Тирапазамин е експериментален биоредуктивен лек против рак кој се активира на токсичен радикал само при многу ниски нивоа на кислород (хипоксија), а пролекот е биолошки неактивна супстанција додека не стигне до телото, каде што се трансформира во биолошки активен лек со метаболизмот.
Тим на истражувачи од Fudan University дизајнирал имплантиран уред кој се состои од биокомпатибилен полиимид на база на карбонил и метален цинк.
Таквата батерија успева да формира циклус на празнење и само-полнење и овозможува кислородот да се троши рамномерно во туморите кај глувците.
На овој начин, и содржината на кислород и нивото на pH се регулирани во туморот.
Студијата покажа дека батеријата го оптимизирала ефектот на тирапазамин кога посредувал во уништувањето на туморите кај глувците. Имено, овој пролек ја користи состојбата на туморот осиромашена со кислород за селективно да ги уништи хипоксичните клетки, односно оние со недостаток на кислород.
Истражувањето исто така покажа дека батеријата може да се користи како ефикасен регулатор на микросредината на туморот за антитуморна терапија, изјави Zhang Fan, професор на Fudan University и еден од авторите на студијата.
Научниците истакнуваат дека во текот на истражувањето не биле забележани абнормални промени во телесната тежина ниту на кожата, ниту на главните органи на глувците, што укажува на безбедноста на батеријата во in-vivo лабораториските истражувања.
Ова дело е комбинирана студија која користи технологија на батерии и биотерапија. Не само што е нов метод за лекување на туморот, туку поставува и преседан за батериите во биомедицински апликации, рече Xia Yongyao, професор на Fudan University и еден од авторите на студијата.
