Жителите на тесниот појас, кој се протега од Канада, преку Гренланд и Арктичкиот океан до Далечниот исток на Русија, ќе имаат можност да го набљудуваат затемнувањето на прстенот на Сонцето на 10 јуни.
Имено, очигледната големина на Месечината ќе биде недоволна за да го покрие дискот на Сонцето, заради големото растојание од Земјата.
„Огнениот“ прстен околу Месечината ќе се гледа најдолго, 231 секунда, од северозападен Гренланд во 12,41 часот по наше време, се наведува во соопштението на Астрономските друштва.
Во тој појас, широк 521 км во Гренланд, во поголемиот дел од Северна Америка, Европа и Азија, на ова затемнување ќе се гледа како на делумно затемнување на Сонцето.
