Важноста на витаминот К | Може да помогне во спречување на многу болести

202

Витаминот К е откриен во 1929 година како есенцијална хранлива материја за коагулација на крвта, односно згрутчување на крвта.

Витаминот К го открил стоматологот Вестон Прајс, кој патувал низ светот на почетокот на 20 век, проучувајќи ја врската помеѓу исхраната и болестите кај различни популации.

Постојат два главни типа на витамин К. Витаминот К1 доаѓа од растенијата, особено од зелениот лиснат зеленчук како спанаќот и кељот.

Витаминот К2 природно се произведува во цревниот тракт и делува слично како К1. Витаминот К игра важна улога во коагулацијата. Коагулацијата е процес кој помага да се спречи прекумерното крварење внатре и надвор од телото.

На вашето тело му треба витамин К за да произведе протеини кои делуваат за време на процесот на коагулација. Доколку ви недостасува витамин К, вашето тело нема доволно од овие протеини, пишува Healthline.

Како делува витаминот К?

Може да помогне во спречување на срцеви заболувања

Акумулацијата на калциум во артериите околу срцето е огромен ризик фактор за срцеви заболувања. Сè што може да го намали таложењето на калциум може да помогне во спречување на срцеви заболувања. Се верува дека витаминот К помага со тоа што спречува таложење на калциум во вашите артерии.

Позитивно влијае на здравјето на коските и го намалува ризикот од остеопороза

Остеопорозата значи „порозни коски“ и е сè почест проблем денес. Тоа е особено забележливо кај постарите жени и силно го зголемува ризикот од скршеници. Витаминот К2 игра централна улога во метаболизмот на калциумот, главниот минерал кој се наоѓа во вашите коски и заби.

Здравје на забите

Се верува дека витаминот К2 може да влијае на здравјето на забите. Еден од главните регулаторни протеини за здравјето на забите е остеокалцин, истиот протеин кој е клучен за метаболизмот на коските и се активира со витамин К2. Остеокалцинот активира механизам кој го стимулира растот на нови коски и нов дентин, што е калцифицирано ткиво под глеѓта на вашите заби, пишува Healthline.