Неплодноста влијае на околу шест проценти од мажените жени во САД, а една доби необична помош откако нејзината 51-годишна мајка се согласи да го носи внучето.
Џули Ловинг одлучи да биде сурогат мајка на детето на нејзината ќерка Бреана Локвуд откако не успеала да остане бремена.
Оваа бременост е како онаа во учебник. Сè оди совршено, изјави Ловинг за „Today Parents“.
Експертот за плодност на д-р Брајан Каплан изјавил дека повеќето Американци не можат да си дозволат сурогат мајка, бидејќи може да чини повеќе од 100.000 долари.
Кога Локвуд прв пат разговарала со нејзината мајка за своите проблеми со плодноста, таа веднаш се понуди да го роди нејзиното дете, но Бреана одбила.
Знаев дека само сака да помогне, но постојано велев дека не сакам, рече Локвуд.
Потоа, таа ја однела мајката ѝ на состанок со д-р Каплан каде што му објасниле дека сака да го носи бебето на нејзината ќерка.
Д-р Каплан тогаш изразил загриженост поради нејзините години. Обично сурогат-мајката треба да биде помлада од 40 години, но во медицината мора да гледате на работите индивидуално, рече лекарот.
Докторот закажал состанок со своите колеги за идејата Џули да го носи детето, така што разговарале за сите потенцијални опасности, но и дека сите се согласиле дека станува збор за единствена ситуација. Ова не е нешто што би ги советувале новите родители, но на крај заклучиле дека апсолутно станува збор за исклучок.
Ловинг веќе во 36-та недела од бременоста своето необично патување го споделува како „сурогат баба“, како што самата се опишува, со својата ќерка на социјалните мрежи. Сепак, тие велат дека не секој разбира.
Би рекла дека 90 проценти од реакциите што ги добивам се прекрасни и фантастични, но има и од оние 10 проценти интернет тролови што ни кажуваат одвратни работи, вели Локвуд и додава:
Мислам дека тоа произлегуваат од недостаток на образование каде што тие не разбираат што е тоа IVG или што е сурогат, или мислат дека моето бебе ќе ми биде сестра.
Сепак, таа вели дека не се грижи за тие негативни коментари, туку едноставно се радува на бебето.
Спремни сме. Ние сме многу среќни што можевме да добиеме бебе на овој начин, рече Локвуд.
