При селфи загинале петпати повеќе луѓе отколку при напади на ајкули

103

При селфи загинале петпати повеќе луѓе отколку при напади на ајкули во светот. Во периодот меѓу октомври 2011 и ноември 2017 година, најмалку 259 луѓе загинале при селфи во светот, според индискиот Журнал за семејна медицина и примарна заштита.

Во истиот период во светот регистрирани се 50 смртоносни напади на ајкули.

Во три четвртини од смртните случаи при селфи гинат млади мажи – најчесто со давење, сообраќајки, пад…

Индија со население поголемо од 1,3 милијарди и 800 милиони мобилни телефони држи неславен рекорд на број на луѓе кои загинале при селфи – 159 такви случаи досега. Тоа е повеќе од половината на глобално ниво.

Следува Русија – 16 смртни случаи, САД – 14 и Пакистан.

Во Русија полицијата во 2015 година објави „Упатства за селфи без опасност”.

Во САД најголем дел од смртните случаи при селфи се со фатални случајни истрели додека барале соодветна поза за фотографирање.

Службите за спасување во Хрватска преку Твитер побараа од туристите „да престанат да прават глупави и опасни селфи” откако Канаѓанец преживеа пад од 75 метри во реонот на Плитвички Езера.

Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!

Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.