Научниците од Аргентина велат дека откриле нов вид на џиновски предаторски диносаурус кој имал огромна глава, но многу мали раце; барем со оглед на својата големина.
Остатоците од ова древно животно биле ископани на северот на Патагонија. Meraxes gigas бил долг околу 11 метри. Неговиот череп бил долг 1,2 метри, а неговите раце биле долги само 0,6 метри. Експертите веруваат дека таквите мали екстремитети обезбедиле одредена предност во преживувањето.
„Можеби ги користеле рацете за време на сексот“
„Убеден сум дека тие пропорционално ситни раце имале некаква функција. Скелетот има големи мускули и целосно развиени пекторални појаси, па рацете имале силни мускули“, рекол палеонтологот Juan Canale, а пренесува BBC.
„Можеби ги користеле рацете за време на сексуалниот однос, односно ги држеле женките за време на парењето или пак им служеле како потпора кога ќе паднале на земја“, додава тој.
Неговиот колега од палеонтолог Peter Makovicky рече дека рацете на овој диносаурус биле „буквално половина од големината на черепот и животното не можело да стигне до својата уста“.
Тираносаурусите, како што е Tyrannosaurus rex, имале мали раце од слична причина
Meraxes gigas, именуван по измислен змеј од серијата „Игра на тронови“, припаѓал на семејството carcharodontosaurid, кои имале заби слични на ајкула. Научниците веруваат дека овие влекачи талкале по Земјата пред околу 90 до 100 милиони години.
Тие додаваат дека два други видови, тираносаурусите (како Tyrannosaurus rex) и abelisauri, исто така имале мали раце од слични причини.
Истражувањето под наслов New giant carnivorous dinosaur reveals convergent evolutionary trends in theropod arm reduction е објавено во списанието Current Biology.
