Американската Администрација за храна и лекови (ФДА) вчера го одобри лекот за Алцхајмерова болест Lecanemab за пациенти во најраните стадиуми на болеста, развиен од јапонската фармацевтска компанија Eisai и американската Biogen.
Лекот, кој ќе се продава под името Leqembi, припаѓа на класа на третмани насочени кон забавување на прогресијата на невродегенеративната болест со отстранување на лепливи грутки од токсичниот бета амилоид протеин од мозокот.
Речиси сите претходни експериментални лекови кои го користеле овој пристап биле неуспешни.
Денешните вести се неверојатно важни, изјави главниот научен директор на Фондацијата за откривање лекови за Алцхајмерова болест, д-р Howard Fillit. Годините на истражување за несомнено најсложената болест со која се соочуваат луѓето се исплатат и ни даваат надеж дека не само што можеме да ја третираме Алцхајмеровата, туку и да ја спречиме, додаде тој.
Eisai најави дека лекот ќе биде лансиран по годишна цена од 26.500 долари.
Јапонската компанија соопшти дека исто така планира да поднесе барање за одобрување на Leqembi во Јапонија и Европската унија до крајот на деловната година, до 31 март.
Eisai процени дека бројот на пациенти во САД кои ги исполнуваат условите за лекот ќе достигне околу 100.000 во рок од три години, постепено зголемувајќи се со тек на среден и дол период.
