Докторката објасни дека вакцините за Ковид-19 не штитат 100%, како што ниту една вакцина не штити 100%.
Превенција на болеста
„Треба да започнеме од науката и она што го покажува истражувањето. Вакцините против Ковид-19 се исклучително ефикасни во спречувањето на болеста, особено тешките. Најновите податоци од американскиот Центар за контрола и превенција на болести покажуваат дека тие ја намалуваат веројатноста дека тестот ќе биде позитивен на Ковид-19 за шест пати и веројатност за смрт за 11 пати. Тоа значи дека ако сте вакцинирани, шест пати помала е веројатноста да добиете Ковид-19 од некој што не е вакциниран. И имате 11 пати помали шанси да умрете од Ковид-19 во споредба со невакцинирана личност“, изјави за CNN медицинскиот аналитичар д-р Leana Wen.
Таа уште еднаш објаснува дека вакцините за Ковид-19 не штитат 100 отсто, како што ниту една вакцина не штити 100 отсто. Но, тоа не значи дека не мора да бидеме вакцинирани и заштитени.
Вакцината претставува мантил
Забележува дека постарите лица ќе страдаат повеќе од оваа болест, а потоа и ќе умрат. Особено изложени на ризик се луѓето со ослабен имунолошки систем. Ова е една од причините зошто се препорачуваат бустер дози, особено за луѓе со умерено или тешка имунокомпромитација.
“Замислете ја вакцината против коронавирусот како еден исклучително добар дождовен капут. Многу добро ве штити од дожд. Но, ако сте во грмотевици, а потоа доаѓа ураган, има многу поголеми шанси да накиснете. Тоа не значи дека вашиот мантил е неисправен. Тоа значи дека сте во лоши временски услови а дождовниот мантил не може секогаш да ве заштити. Ако сте во близина на голем број вируси,тоа ги зголемува вашите шанси да се инфицирате. Проблемот не е во вакцината – туку во фактот дека има премногу вируси околу вас. И затоа е клучот да се вакцинираат што повеќе луѓе“, објаснува д-р Wen.
„Можете да ги преземете сите неопходни чекори за да ја спречите болеста“
Но, како да ги убедите антиваксерите дека вакцината е добра за нив и дека треба да се заштитат?
„Да речеме дека некој има срцеви заболувања. Постојат лекови за лекување на срцеви заболувања, но тие не се 100 проценти ефективни – ништо не е. Само затоа што некој ќе заврши во болница со влошена состојба не значи дека лекот не вреди да се зема. Или ајде да користиме пример за превенција.
Да речеме, некој што јаде здрава исхрана и вежба многу, сепак завршува со висок крвен притисок и дијабетес. Тоа не значи дека исхраната и вежбањето не се добри. Тоа само значи дека можете да ги преземете сите неопходни чекори за да ја спречите болеста, но понекогаш сепак може да се разболите“, објаснува оваа докторка.
