Дерматолозите сугерираат дека не е случајно што голем број луѓе имале промени на ноктите по позитивниот тест за Ковид.
Научниците велат дека е можно по ноктите да види дали сте биле заразени со коронавирус, пишува New York Post.
Имено, за време на пандемијата и за време на истражувањето на болеста, промени биле забележани и на ноктите. Експертите велат дека ноктите се слични на кожата и дека можат да ни дадат одредени знаци за здравјето на една личност.
Ноктите растат во приближно шестмесечни циклуси, така што секоја промена во изгледот предизвикана од коронавирусот може да се појави со задоцнување.
Аномалиите на ноктите можат да бидат резултат на сите видови проблеми, вклучувајќи недостаток на витамин, заболувања на кожата, дијабетес или траума. Но, дерматолозите сугерираат дека не е случајно што голем број луѓе имале промени на ноктите по позитивниот тест за Ковид.
„Има друг дел од телото на кој дејствува вирусот: ноктите“, напишаа експертите во интервјуто.
„Моментално достапните докази сугерираат дека не постои поврзаност помеѓу сериозноста на инфекцијата Ковид-19 и видот или степенот на промени на ноктите.
Хоризонтални линии
Некои експерти велат дека луѓето имале хоризонтални ленти на ноктите по инфекцијата со Ковид.
Ова го посочи професорот Tim Spector, водечки истражувач во голема студија за симптоми помеѓу Кралскиот колеџ во Лондон и здравствената компанија ZOE. Весникот го објави случајот на 47-годишен Шпанец во јуни минатата година, кој разви дебели бели ленти среде ноктите 45 дена по позитивниот тест за Ковид. Автори од Шпанија мислат дека ваквите промени на ноктите „веројатно не се достапни“ за пошироката јавност.
Гребени на ноктите
Една пациентка со Ковид имала суптилни гребени на ноктите, а симптомот неодамна го опишале канадските лекари кај 45-годишен маж. Имал гребени на сите нокти на рацете и нозете, на околу 5 мм од ноктот.
Црвено околу полумесечината
Секој има форма на полумесечина во основата на ноктите, а кај некои луѓе ова е придружено со црвена боја по Ковид.
Според американски и мексикански истражувачи кои го опишале случајот со 37-годишната жена, црвена лента се појавила над нејзината полумесечина само два дена откако се појавиле симптомите на Ковид.
Состојбата траела само една недела пред да се врати во нормала.
Портокалови врвови
Друг знак за Ковид може да бидат портокалови врвови зн ноктите, што научниците го откриле во случај на постара жена. Промена на бојата се појавила само 16 недели по дијагнозата и траела најмалку еден месец подоцна.
Експертите изјавиле дека спровеле тестови кои докажале присуство на антитела на Ковид, додавајќи дека обликот на бојата сугерира дека причината е „системска“ – што значи во овој случај предизвикана од болеста.
Губење на ноктите
Исто така, се верува дека онихомадезата, односно „губење на ноктите“, е предизвикана од инфекција со коронавирус, и оваа состојба е веќе забележана со други инфекции.
Една жена е опишана во литературата како „прва“ што ги имала овие проблеми по Ковид, поради што била хоспитализирана три месеци порано. Документите велат дека нејзините стари нокти „се одлепиле“, а новите растат.
