Овој тренд досега е забележан само кај морските риби.
Научниците се повеќе се загрижени за промените што ги забележуваат во растителниот и животинскиот свет. Некои промени може директно да се поврзат со климатските промени, додека причините за други сè уште не се познати.
Еден таков случај е оној што го откри тим на научници, предводен од макроекологот од Универзитетот Јорк, Инес Маринс. Тие ја анализирале големината на бројни растенија и животни ширум светот. Користејќи податоци од базата на податоци BioTIME, тимот ја спореди големината на растенијата и животните забележани помеѓу 1960 и 2020 година.
Она што откриле предизвикува загриженост во научните кругови. Иако големината варирала со текот на годините кај различни видови, тие со сигурно утврдиле дека морските риби – се намалуваат.
Не само што рибите се помали, туку откриле и дека во одредени екосистеми се намалува бројот на единки од поголемите видови риби, а тие се заменуваат со единки од помали видови. Во превод, вкупната биомаса на сите риби во тие области останала речиси иста, но сега има се повеќе помали риби.
Студијата што ја спровелеа, објавена во списанието Science, покажа дека таква шема се појавува кај морските риби ширум светот. Тие заклучиле дека големината на телото е клучен фактор што предизвикува некои видови риби да ги заменат другите во различни екосистеми. На пример, големиот бакалар се повеќе се заменува со помалата скуша.
Како научник, навистина е фасцинантно да се научи како некои аспекти на природата драстично се менуваат, додека другите аспекти на природата покажуваат значителна стабилност, вели професорот по екологија на Универзитетот во Мејн, Брајан Мекгил, кој учествувал во работата на научниот тим.
Но, економски гледано, ова има големи практични импликации во држава базирана на риболов како Мејн. Големите риби се претпочитани цели за риболов, но големите видови риби стануваат се помали и се заменуваат со помали видови. Сега знаеме дека тоа се случува не само во заливот Мејн, туку и насекаде низ светот.
Тој посочува дека научниците ќе мора дополнително да истражат зошто оваа промена е забележана (досега) само кај морските риби.
