Поранешниот инженер на Google, Ray Kurzwell, верува дека луѓето ќе стигнат до бесмртност за седум до осум години.
Инаку, Kurzwell тврди дека досега во своите 147 предвидувања бил во право во 86 отсто од случаите.
Kurzwell дискутирал за поместување на границите во генетиката, нанотехнологијата и роботиката, поради што верува дека ќе има развој на нано роботи кои ќе можат да го променат процесот на стареење.
Овие мали роботи ќе ги поправат оштетените клетки и ткива кои се распаѓаат како што телото старее, правејќи нè имуни на болести како ракот.
Kurzwell бил ангажиран од Google во 2012 година да работи на нови проекти, како што е машинското учење, но и пред тоа бил ангажиран во предвидување на технолошки откритија.
Така, во 1990 година, тој предвидел дека најдобриот шахист ќе загуби од компјутер до 2000 година, а тоа се случи во 1997 година кога “Deep Blue” го победи Garry Kasparov. Исто така, во 1999 година, тој изјавил дека до 2023 година, лаптопот од 1.000 долари ќе има процесорска моќ и капацитет како човечки мозок.
Сега поранешниот инженер на Google верува дека технологијата ќе стане толку моќна во блиска иднина што ќе може да им помогне на луѓето да живеат вечно.
Kurzwell кој себеси се опишува како футурист и тврди дека 86 отсто од неговите предвидувања се оствариле, предвидува дека вештачката интелигенција ќе го помине Turing test до 2029 година, односно ќе стане еквивалентна на човечката интелигенција. Во тестот Turing, човечки судија разговара со машината и човекот. Ако судијата не може да препознае дека е машина, тогаш таа го положила тестот.
Според претходните предвидувања на Kurzwell, човештвото ќе ја достигне точката на сингуларност во 2045 година, каде што вештачката интелигенција ќе доведе до тоа машините да бидат попаметни од луѓето. Тој рече дека процесот на сингуларност е веќе започнат.
– Тој ќе доведе до фактот дека компјутерите имаат човечка интелигенција, дека ќе ги ставиме во нашиот мозок, ќе ги поврземе со klaud и ќе го прошириме она што сме. Денес тоа не е само сценарио за иднината, туку нешто што делумно е веќе тука и ќе се забрза – рече Kurzwell.
