Истражувачите од Универзитетскиот медицински центар Гронинген во Холандија споредиле податоци од повеќе од 1,3 милиони луѓе. Откриле дека ризикот од кардиоваскуларни проблеми кај крвните групи А, Б или АБ е девет проценти поголем отколку кај луѓето со крвна група 0.
Експертите веруваат дека овие луѓе имаат поголемо ниво на протеини за згрутчување на крвта, што може да заглави вена, а тоа е една од главните причини за срцев удар. Исто така, луѓето со крвни групи А, Б и АБ имаат поголема веројатност да имаат повисок холестерол, како и повеќе воспалителни процеси.
– Во иднина, крвната група треба да се смета како ризик во спречувањето на кардиоваскуларни болести, како и нивото на холестерол, возраста, полот и крвниот притисок. Потребно е повеќе истражување за да се идентификува причината за зголемениот ризик кај луѓе со крвни групи А, АБ и Б – објасни водачот на истражувањето, Теса Кол.
Патем, луѓето со крвна група 0 се двојно поголеми шанси да бидат мета на комарци, велат истражувачи од Јапонија. И покрај тоа, луѓето со оваа крвна група имаат најмалку шанси да добијат најсмртоносна форма на маларија – болест пренесена од комарци.
Исто така, поединците кои имаат крвна група 0 се најмногу погодени од стрес, велат од Американската служба за воени ветерани. Тие објасниле дека нивото на кортизол (хормон на стрес) е поголемо кај луѓето од таа група отколку кај другите.
