Истражување на научниците од Окфордскиот универзитет покажува дека луѓето со многу пријатели, поднесуваат подобро физичка болка, пренесува “РИА Новости”, цитирани од “Фокус”.
Тоа е поврзано со производството на ендорфин – хормонот на радоста и задоволството што ја потиснува болката и помага за доброто расположение.
За проверка на оваа теорија, научниците ја истражувале големината на пријателскиот круг и прагот на болката кај 101 лице на возраст меѓу 18 и 34-годишна возраст.
Првично учесниците пополнувале анкета во која посочиле колку често комуницираат со пријателите, а потоа беа ставени во многу непријатна ситуација. Истражувачите утврдиле дека и мажите и жените, кои излегувале често со пријателите издржуваат повеќе болка.
Сеуште не е утврдено што е фундаментално – дали социјалната активност стимулира изработката на ендорфин и ја притупува болката, или луѓето со активно производство на хормонот имаат повеќе пријатели.
