Астрономите тивко објавија податоци за зголемувањето на фондот на природни сателити во орбитата околу Јупитер.
Јупитер е најголемата планета во Сончевиот систем, има уникатна црвена дамка, па дури има и елегантни прстени. Но, овој гасен гигант сега е побогат за уште еден суперлатив – има најмногу природни сателити во Сончевиот систем. Тоа е титулата што ја презеде од соседниот Сатурн.
Астрономот Scott Sheppard од Институтот за наука Carnegie во Washington, објави за набљудувањата на системот во последните две години кои откриваат дека Јупитер има уште 12 мали месечини во својата орбита, со што вкупниот број на природни сателити во неговата орбита е неверојатни 92.
Центарот за мали планети на Меѓународната астрономска унија во последните недели тивко ги објавува орбитите на новите, неименувани месечини, давајќи им официјален печат на нивното постоење.
Сатурн, кој веќе го споменавме како поранешен сопственик на титулата планета со најприродни сателити во Сончевиот систем, падна на второто место со 83 познати месечини во неговата орбита.
Сите новооткриени месечини на Јупитер се веројатно премногу мали за да бидат именувани и потребни се повеќе од 340 дена за да орбитираат околу гасниот џин.
Сосема е можно вкупниот број на природни сателити на Јупитер да е уште поголем. Неговиот отсјај може да го направи особено тешко да се видат такви мали објекти, што не го исклучува откривањето на нова серија мали природни сателити, кои само чекаат да бидат откриени.
