Сè додека немаме конкретни докази за потеклото на новиот коронавирус, ќе мора да шпекулираме дали тој се шири природно или на некој друг начин.
Иако пандемијата на коронавирус беше прогласена пред околу три години, сè уште немаме конкретни одговори на некои од клучните прашања поврзани со појавата и почетокот на ширењето на вирусот.
Најверојатната теорија е дека вирусот преминал од лилјак на човек на пазар во кинескиот град Wuhan, но има многу други теории кои фрлаат поинаква светлина на избувнувањето на пандемијата која толку многу ни ги промени животите и остави многу мртви.
Некои од овие теории се поврзани со кинеската лабораторија во Wuhan уште од првиот ден, што Кина ги отфрли, а досега никој не можеше да ги потврди. Но, според американското Министерство за енергетика, врз основа на некои нови разузнавачки информации и докази, причината навистина лежи во кинеска лабораторија. Воедно, се нагласува дека не станува збор за некакво намерно ослободување на вирусот и негово користење како биолошко оружје, туку вирусот наводно случајно истекол од лабораторијата.
Интересно е што ова министерство претходно имаше поинаков став за почетокот на пандемијата, односно не беа сигурни како вирусот се рашири низ светот и го сменија мислењето по оваа нова разузнувачка информација. ФБИ, исто така, верува дека Институтот за вирологија во Wuhan, каде што се проучуваат коронавируси, може да биде почетна точка во ширењето на пандемијата, со умерена доза на сигурност.
Но, The New York Times нагласува дека американските разузнавачки агенции сè уште се поделени за потеклото на вирусот, а споменатите разузнавачки информации на министерството (не се знае за какви информации станува збор) не го промениле нивното мислење.
Имено, за разлика од водечките луѓе на Министерството за енергетика, мнозинството американски разузнавачи сметаат дека не постојат цврсти докази кои со голема сигурност би можеле да сугерираат дека новиот коронавирус навистина избегал од кинеска лабораторија.
Некои од нив сметаат дека ќе биде многу тешко, а можеби и невозможно да се утврди потеклото на вирусот, со оглед на тоа што Кинезите не покажале преголема желба да соработуваат во пронаоѓањето на изворот на вирусот.
Доколку ги имаа овие информации, односно кога би знаеле како вирусот почнал да се шири низ светот, научниците веруваат дека би можеле многу подобро да се подготват за идните пандемии или можеби би можеле да спречат ширење на некој вид на иден вирус кој ќе биде опасен и против кој нема да имаме одбрана.
Сè додека немаме конкретни докази за потеклото на вирусот (што, според тоа, можеби никогаш нема да го имаме), ни остануваат само разни теории за новиот коронавирус кои се повеќе или помалку веројатни, но ниту една од нив, барем засега, се заснова на непобитни докази.
