„Ќе пукаат во сателитите, ќе го срушат интернетот, телефоните нема да работат, а бензинските пумпи ќе останат без гориво“
„Не само војската, туку и општеството како целина ќе биде главна цел во идните конфликти“, предупреди Franz-Stefan Gady, експерт за идни војни на IISS.
Третата светска војна би можела да изгледа така да Русија или Кина напаѓаат со незабележителни ракети кои се 27 пати побрзи од брзината на звукот и со исклучување на интернетот додека Западот се „забавува“ Блискиот Исток, пишува Daily Mail.
Имено, експертите тврдат дека во иднина војувањето ќе значи употреба на хиперсонични ракети, а интернетот би можел да биде уништен за само неколку секунди. Технологијата сега е бојно поле каде ќе се водат конфликтите со Русија и Кина, за која се тврди дека инвестира огромни суми пари на тоа поле.
Парите потрошени на традиционалното оружје и хардвер паднаа бидејќи британската одбрана и безбедност инвестираат повеќе во дигитална, вештачка интелигенција и сајбер технологија.
Разорни напади
Lindy Cameron, шеф на Националниот центар за сајбер безбедност, во октомври предупреди дека сајбер нападите против Обединето Кралство веќе се случуваат.
„Ние – заедно со Националната агенција за криминал – проценуваме дека сајбер-криминалците со седиште во Русија и соседните земји се одговорни за повеќето од разорните напади на откупни софтвери врз цели во Обединетото Кралство“, рече таа.
Пред само неколку месеци, имаше уште повеќе физички „вежби за обука“ во Русија и Кина. На 16 ноември Русија уништи еден од своите сателити во вселената со истрелување проектил кон него. Во октомври, Кина тестираше тајно оружје што може да орбитира околу земјината топка со брзина од 21.000 милји на час, да се спушти од вселената и да погоди било кое мњсто за неколку минути.
Дизајниран е да патува во ниска орбита за да избегне откривање на проектилите и системите за одбрана, со што ѝ дозволува на Кина да нападне буквално секаде на планетата со мало или без предупредување.
Сериозна конкуренција на силите
Michele Flournoy, поранешен главен офицер за политика на Пентагон за време на двајцата претседатели, Клинтон и Обама, предупредила:
„Навистина сме на стратешка пресвртница во која ние – Соединетите Држави, Обединетото Кралство и нашите сојузници – излегуваме од 20-годишното фокусирање на контратероризмот и контранападите, војните во Ирак и Авганистан, и го креваме погледот за да сфатиме дека сега сме во многу сериозна конкуренција на големите сили“.
„Додека бевме фокусирани на поширок Блиски Исток, овие земји учеа за западниот начин на војување. И почнаа масовно да инвестираат во цела низа нови технологии“, додаде таа за Би-Би-Си.
Соединетите држави и Русија, исто така, поминаа децении работејќи на сопствени хиперсонични системи и спроведоа тестови на оружје во последните месеци.
Загрижувачки скокови во попречување на сајбер напади, како што се кражба на податоци и обиди да се влијае на изборите, исто така се пријавени во некои земји.
Прекин на комуникација
Експертите веруваат дека страните ќе се обидат да ја прекинат комуникацијата со противникот доколку некогаш избијат непријателства од целосен обем. Ова би вклучило таргетирање на сателити или дури, едноставно, мешање со подморничките кабли за пренос на податоци.
Meia Nouwens, виш соработник во Меѓународниот институт за стратешки студии, додаде:
„Кинеската народна ослободителна армија изгради нова агенција наречена Сили за стратешка поддршка која се занимава со простор, електронско војување и сајбер способности. Мислам дека тоа би се одвивало во многу брзо опкружување кое во голема мера се потпира на доменот на информации“.
Franz-Stefan Gady, експерт за идни војни во IISS, изјави за BBC дека телефоните одеднаш може да престанат да работат и бензинските пумпи да останат без гориво.
„Големите сили масовно инвестираат не само во офанзивни сајбер способности, туку и во способности за електронско војување што може да ги наруши сателитите и да ја наруши комуникацијата. Така, не само војската, туку и општеството како целина ќе биде главна цел во идните конфликти.“
