Термоцентралата Пего била втор најголем испуштач на јаглерод диоксид во Португалија.
Португалија ја затвори својата последна термоцентрала на јаглен за време на викендот, исклучувајќи го тоа фосилно гориво од производството на електрична енергија долго пред крајниот рок.
Термоцентарлата „Пего“ во централниот дел на земјата беше вториот најголем испуштач на јаглерод диоксид во Португалија, се вели во соопштението на еколошкото здружение „Зеро“, нагласувајќи дека затворањето на најголемиот извор на стакленички гасови е значаен ден за Португалија.
Девет години пред предвиденото
Така, јагленот е исфрлен од производството на електрична енергија девет години пред целниот датум, бидејќи Португалија ја одреди 2030 година како официјален краен рок за ставање крај на употребата на фосилни горива. Белгија, Австрија и Шведска веќе престанаа да користат јаглен во производството на електрична енергија, потсетува Ројтерс.
Иако огромните 60 до 70 отсто од електричната енергија доаѓа од обновливи извори, Португалија сè уште многу се потпира на увозот на фосилни горива за да ги задоволи севкупните потреби за енергија. Некои сега стравуваат дека фабриката во Пег, управувана од приватната групација Tejo Energia, сега ќе биде пренаменета да согорува дрвени пелети.
Префрлување на обновливи извори
Сега мораме да се погрижиме компаниите за електрична енергија да не го заменат јагленот со фосилен гас или неодржлива биомаса, објасни Kathrin Gutmann, директорка на кампањата во Europe Beyond Coal.
„Очигледно не е решение да се отфрли јагленот и да се префрлите на нешто помалку лошо гориво“, рече претседателот на Zero, Francisco Ferreira. „Наместо тоа, фокусот треба да биде на брзо проширување на нашиот капацитет за производство на електрична енергија од ветер и сончева енергија“, додава Ferreira.
Нацрт-документот објавен од Reuters во јуни покажа дека ЕУ размислува за построги правила за класификација на дрвото како обновлив извор на енергија.
