Археолозите откопаа остатоци од повеќе од 1.500 луѓе за кои се верува дека починале во епидемијата, затрупани во масовна гробница од 19 век, ископана како дел од Проектот за развој на Осака во западна Јапонија.
Гробницата Умеда, една од седумте историски гробници во јапонскиот трговски град Осака, беше откриена како дел од проектот за реновирање во близина на главната железничка станица.
Повеќе од 1.500 смртни остатоци беа пронајдени за време на ископувањата што започнаа во септември 2019 година, по студијата 2016-2017 година, кога стотици слични остатоци беа ископани на соседните локации, изјави претставник на здружението.
Сите остатоци се отстранети од местото на ископување, а експертите ќе ги испитаат, како и други артефакти, со надеж дека ќе пронајдат повеќе детали поврзани со смртта.
Некои експерти ја наведоа можноста за епидемија на сифилис, што преовладувала во населени места како Осака.
