Кинеското експериментално вселенско летало се врати на Земјата откако беше во орбитата 276 дена, објавија кинеските државни медиуми, завршувајќи ја мисијата за тестирање на вселенските технологии на земјата за повеќекратна употреба.
Леталото без екипаж се врати во Jiuquan Launch Center во северозападна Кина во понеделник како што било планирано. Не беа дадени детали за кое вселенско летало се работи, какви технологии се тестирани, колку високо летало и каква орбита имало од неговото лансирање на почетокот на август 2022 година.
Сликите од леталото, исто така, допрва треба да бидат објавени во јавноста.
Важен напредок
Тестот означува „важен“ напредок во истражувањето на Кина за технологијата за повеќекратно користење на вселенските летала што ќе обезбеди поудобен и поевтин начин за испраќање идни вселенски мисии, објавија државните медиуми.
Во 2021 година, слично вселенско летало полетало до работ на вселената и се вратило на Земјата истиот ден во мисија која исто така во голема мера била чувана во тајност. Тоа летало слетало на Земјата „хоризонтално“, според водечкиот кинески изведувач во тоа време.
Коментаторите на кинеските социјални мрежи шпекулираат дека Пекинг развива вселенско летало како Х-37Б на американските воздухопловни сили, автономно вселенско летало кое може да остане во орбитата со години.
Беспилотниот и повторно употреблив X-37B се вратил на Земјата минатиот ноември на својата шеста мисија, по повеќе од 900 дена во орбитата.
Bonus video
Забелешка: Преземањето на оваа содржина е дозволено само ако го наведете изворот со задолжително линкување на нашиот домен и оригиналната статија!
Доколку сакате да прочитате повеќе содржини како оваа, препорачуваме да го посетите нашиот портал www.kukuriku.com.mk, а со лајк на нашата фан страна станувате дел нашето многубројно членство facebook.com/Kukuriku.mk/.
