Има големи шанси тоа што го чуваат во тајност да е продолжение по историскиот момент на откривањето на првата црна дупка во 2019 година.
За две недели, Европската јужна опсерваторија (ESO) ќе му претстави на светот нови информации за нашиот Млечен Пат.
Можеме да погодуваме каква ќе биде најавата, но врз основа на она што го знаеме за нивните неодамнешни напори, постои причина за возбуда – презентираните резултати се од проектот Event Horizon Telescope (EHT), кој е заслужен за првата слика од црна дупка во историјата од 2019 година.
Проектот EHT со години го проучува срцето на нашата домашна галаксија, Млечниот Пат, која најверојатно е дом на супермасивна црна дупка позната како Стрелец А*. Што и да откријат, тие прават голема работа од тоа, пишува Science Alert.
Хоризонт на црната дупка?
Бидејќи научниците истовремено организираат прес-конференции ширум светот, постојат големи шанси тоа што го чуваат во тајност да биде продолжение по историскиот момент на откривањето на првата црна дупка во 2019 година.
Конференцијата за откритијата ќе се емитува онлајн на 12 мај 2022 година, по што ќе следи настан на YouTube со шест астрономи од целиот свет. Соопштенијата за печатот ќе вклучуваат „обемен придружен аудиовизуелен материјал“.
Ако астрономите успеале да направат директна слика на хоризонтот на настаните Стрелец A*, тоа ќе биде историски момент што не сакате да го пропуштите. Црните дупки е исклучително тешко да се фатат бидејќи се буквално невидливи и апсорбираат електромагнетно зрачење. Сè на што можеме да се надеваме е хоризонтот на настаните; во суштина, контурите на црната дупка, односно местото каде што светлината повеќе не може да избега од гравитационите сили на црната дупка.
Но, Стрелец А* е заштитен со облак од прашина и гас, што го прави особено тешко за проучување. Ако астрономите го снимиле хоризонтот на црната дупка, таа би требало да изгледа како блескава крофна. Тоа е акреционен диск на црната дупка, прстен од гас и прашина што испушта екстремно зрачење додека паѓа во бездна.
Нешто револуционерно
Соопштението за печатот на ESO ветува нешто „револуционерно“, што е истата формулација што ја користеле пред да ја објават првата директна слика од црната дупка во 2019 година. Оваа црна дупка е во центарот на галаксијата М87 и има маса 6,5 милијарди пати поголема од нашето Сонце. Нејзиниот хоризонт на настани има радиус од приближно 20 милијарди километри и е навистина далеку.
Експертите ја споредуваат сликата на хоризонтот со набљудување на објект од 1 милиметар од далечина од 13.000 километри. Стрелец А* е многу поблиску до нас, бидејќи се наоѓа во срцето на нашата галаксија. Сепак, прилично е мал за супермасивна црна дупка, само 4,3 милиони пати поголема од Сонцето. Може да се открие само затоа што е релативно многу поблиску до Земјата од M87*.
Значи, ако астрономите конечно ја фатиле сликата на неговиот хоризонт на настани, тоа сигурно би било револуционерно.
