Навивачите се враќаат на стадионите, но алкохолот е забранет

52

На состанокот на претставниците на сите 16 германски покраини бил договорен шестнеделен пробен период за време на кој на гледачите ќе им биде дозволено да присуствуваат на натпреварите.

Навивачите до 20% од капацитетот на стадионот ќе имаат дозвола да ги гледаат натпреварите од Бундес лигата.

Ќе се применуваат строги епидемиолошки мерки на стадионите, а алкохолот ќе биде забранет, пренесува Хина.

Пристигнувањето на навивачите на гости нема да биде дозволено и секој билет ќе биде персонализиран така што ќе може да се следат движењата на сите лица кои доаѓаат на стадионот.

На сила ќе бидат и мерки на физичко растојание, а гледачите дефинитивно ќе мора да носат маски.

Новата сезона во Бундеслигата започнува во Минхен помеѓу бранителот на титулата Баерн и тимот на Шалке.