Меѓуѕвездениот астероид Oumuamua, кој прелета низ Сончевиот систем во 2017 година, можеби не е астероид, можеби е „џиновски матичен брод на вонземјани“, објавија експерти на Министерството за одбрана на САД, кои се занимаваат со проучување на НЛО.
Тие американски научници имаат други верзии за толкување на необичните својства на тој „објект“.
Тие наведуваат дека е можно Сончевиот систем повремено да го посетуваат бродови од длабоката вселена кои испраќаат извидувачки сонди на планетите.
Оваа можност ја посочуваат Abraham Loeb, директор на Institute for Theory and Computation of the Harvard-Smithsonian Center for Astrophysics, поранешен шеф на Department of Astronomy at Harvard University, и Sean Kirkpatrick, шеф на Pentagon’s Unidentified Aerial Phenomena Division.
Едно такво “mothership” може, според нивното мислење, да биде меѓуѕвездениот објект 1I/Oumuamua, кој е откриен на 19 октомври 2017 година од телескопот Pan-STARRS од Хаваи.
Отпрвин, Oumuamua (на хавајски – „извидник“) се сметал за комета што долетала од меѓуѕвездениот простор. Објектот се движел со негравитациони забрзувања. Но, набрзо било забележано дека ја нема „опашката“ карактеристична за кометите.
Затоа беше прекласифициран како астероид. Сепак, необичната траекторија, малата рефлексивност и рамниот облик во форма на пура (долг околу 200 метри и поширок од 20 метри) се апсолутно невообичаени за астероидите.
Сè уште се движел по хиперболична орбита – со брзина недостижна за копнените вселенски бродови: околу 26 километри во секунда.
Пресметките покажале дека потекнува од близина на ѕвездата Вега во соѕвездието Лира, кое е оддалечено 25 светлосни години од нас.
Поминувајќи блиску до Сонцето, Oumuamua наеднаш се свртел, забрзал до 92 километри во секунда и брзо го напуштил Сончевиот систем.
После тоа од него не биле примени сигнали.
Астрономите имале само неколку недели да го проучуваат Oumuamua пред да исчезне од телескопите засекогаш. Па дури и сега, повеќе од пет години подоцна, нема неспорно објаснување за тоа што е видено. Посебно интригантно е дополнителното забрзување кое им пркоси на законите на гравитацијата.
Авторите на американскиот извештај веруваат дека тоа би можело да е од работата на јонски мотор во комбинација со соларно едро. Ваквите автономни беспилотни системи се способни да патуваат низ Галаксијата, забрзувајќи во близина на ѕвездите.
Интересно е дека во Сончевиот систем Oumuamua поминал карпести планети во зоната погодна за живеење. Особено блиску до Земјата. Далечните и ладни гасни и ледени џинови – Јупитер, Сатурн, Уран и Нептун – биле целосно заобиколени.
Во март 2022 година, на Пентагон му беше наредено да подготвува доверливи извештаи до Конгресот на САД четири пати годишно.
Во мај 2022 година, конгресните сослушувања за проблемот со НЛО беа одржани за прв пат по половина век.
Во јули 2022 година, Работната група за неидентификувани воздушни феномени (UAPTF) е трансформирана во AARO (All-domain Anomaly Resolution Office), чија задача е да се справи со какви било „аномалии“ во воздухот, морето и вселената.
Оттогаш, повеќе од 360 истраги се започнати во САД. Во епицентарот на половината се „објекти слични на балон“. Сега се зборува за Oumuamua како потенцијален „вонземски брод“, иако за него нема ништо ново.
Некои експерти оценуваат дека е можно да се обидуваат да го одвлечат вниманието од поважните меѓународни прашања и во исто време да покажат лидерство на САД во областа на глобалната безбедност.
