Мешавината на предмети во гробот сугерира дека жената живеела помеѓу 630 и 670 година од нашата ера, време кога сè уште се мешале паганските и христијанските верувања.
Британските археолози откриле вистинска ризница во гробот, што фрла нова светлина врз краткиот период од средновековната англиска историја каде што се споиле паганските и христијанските традиции и каде жените заземале позиции на моќ во црквата.
Станува збор за артефакти откриени во гроб стар 1400 години, кој е пронајден недалеку од Northampton, а се сметаат за едно од најзначајните наоди за споменатиот историски период.
Откритието дошло два дена пред крајот на ископувањето
Тим британски археолози дошле до откритието на претпоследниот ден од осумнеделното ископување во селото Harpole, кога археологот Levente-Bence Balázs видел круни од два заба како штрчат од земјата. Тоа беше јасен знак дека наишле на гроб.
Тогаш од земјата се појавија два златни предмети кои блеснаа кон мене. Овие артефакти не ја виделе светлината на денот 1.300 години, а да се биде првиот човек што ќе ги види е неописливо, изјави Balázs за The Guardian.
Balázs водеше тим од лондонскиот археолошки музеј (MOLA) и за CNN изјави дека за прв пат во неговите 17 години ископувања, пронашол артефакт направен од благороден метал. Неговиот тим откопал раскошен ѓердан од 30 парчиња римски монети, гранети, стакло и полускапоцени камења. Се верува дека тоа е „најбогатиот“ ѓердан од ваков вид кој некогаш бил пронајден во Велика Британија.
Сон на секој археолог
За жал, скелетот се распаднал, освен неколку фрагменти од забната глеѓ, но врз основа на фактот дека ѓердани речиси исклучиво се наоѓаат на женските тела, фер е да се претпостави дека посмртните останки некогаш припаѓале на некоја богата или висока жена. Оваа жена, исто така, била погребана со голем сребрен крст, два украсени сада и плиток бакарен сад.
Ова е најзначајниот раносредновековен женски погреб некогаш откриен во Британија. Сон на еден археолог е да пронајде вакво нешто, рече Balázs.
Пронајдениот крст се распаднат, но неговата форма останала видлива на рендгенските снимки на почвата околу гробот и бил украсен со необични сребрени човечки лица, кои ги преживеале изминатите векови во почвата. Мешавината на предмети во гробот сугерира дека жената живеела помеѓу 630 и 670 година од нашата ера, време кога сè уште се мешале паганските и христијанските верувања.
Закопувањето на луѓето со многу накит е паганска идеја, но очигледно е многу поврзана со христијанската иконографија, така што тоа е период на прилично брзи промени, изјави за Associated Press Simon Mortimer, археолошки консултант.
Многу важна жена во британската историја
Богатството и симболиката на предметот сугерираат дека жената била богат христијански водач, како што е поглавар на опатија или принцеза. Експертите се согласуваат дека таа сигурно била една од првите жени во Велика Британија која имала моќна позиција во црквата.
Во Англија се пронајдени уште десетина гробови на жени со висок статус, некои со слични ѓердани. Сепак, само неколку од овие места датираат пред VII век, бидејќи погребувањата на мажи со висок статус биле почести.
Како што христијанството растело, вредните предмети, како што се ѓердани, се ставале поретко на гробовите, бидејќи ранохристијанската црква тоа го гледала со презир.
Harpole Treasure не е најбогато во однос на бројот на артефакти, но е најбогато во однос на инвестирање во богатство и има најголемо количество злато и религиозна симболика, вели Lyn Blackmore, археолог од Археолошкиот музеј во Лондон.
Интересно е и тоа што компанијата Vistry Group им наложила на археолозите да ископуваат на таа локација, пред изградбата на станбени згради. Овој пат се покажа како полн погодок за науката.
