Користејќи три модерни техники за скенирање на почвата, научниците дошле до важно археолошко откритие во Mexico.
Археолозите во јужно Mexico дошле до возбудливо откритие на местото Mitla – скриен лавиринт, комори и премини под црква.
Подземната мрежа, за која се верува дека е влез во подземниот свет, првично била изградена од античките Zapotec пред повеќе од 1.000 години и служела како религиозен храм наречен Lyobaa, што значи место за одмор. Гробниците пронајдени во подземната структура се приближно 5-8 метри под површината.
За да ги откријат скриените подземни структури, научниците користеле три техники на скенирање: радар што продира во земја, томографија со електрична отпорност и томографија со сеизмичка бучава.
Со комбинирање на податоците од овие методи, направена е детална мапа на новооткриениот подземен комплекс. Над тој подземен комплекс се наоѓа црква со влезот во подземната мрежа вешто скриен зад олтарот.
Интересно е што доаѓањето на мисионери во областа довело до документирање и затворање на Lyobaa. Подземниот храм бил опишан во списите од 1674 година од страна на доминиканскиот отец Francisco de Burgoa, кој детално ги опишал неговите четири меѓусебно поврзани комори, како и бројните пештери и улички длабоко под земја.
Запотеците (Zapotec) силно верувале во подземјето, практикувале политеистичка религија и ставале голем акцент на ритуалите на смртта. Се верува дека храмот бил во употреба до крајот на 15 век, кога контролата на регионот преминала од Запотеките на Ацтеките (Aztecs), а подоцна и на Шпанците.
Благодарение на напредните техники за 3D слимања, таа подземна мрежа сега може повторно да се открие.
Станува збор за тековен проект наречен Lyobaa Project. Проектот ја означува првата сезона на истражување, со планирани дополнителни скенирања и студии во иднина. Мултидисциплинарен тим од 15 експерти, вклучувајќи археолози и инженери, е посветен на откривање на повеќе информации за оваа фасцинантна локација.
Покрај подземната мрежа, научниците откриле и дополнителни докази за Палатата на столбовите, значаен антички споменик во областа. Идентификацијата на претходната фаза на градба ќе придонесе за разбирање на историскиот развој на цивилизацијата Zapotec.
Покрај самото идентификување на античките споменици, ова истражување и анализа служи и за проценка на сеизмичките и геолошките ризици за овие објекти. На овој начин експертите можат да обезбедат зачувување на овие места за идните генерации.
