Сето горенаведено изгледа како обични детали, но токму тие откриваат дали вашата врска има шанси.
По неколку раскинувања на познатите личности, вклучувајќи го и разводот на Jason Momoa и Lise Bonet, чиј брак долго време се сметаше за идиличен, Emma Kenny, психолог специјализирана за врски, наведе десет грешки кои ја уништуваат секоја врска.
1. Предолго ги одложувате важните разговори
Сите долги врски бараат компромис, што значи дека колку побрзо одлучите што ќе прифатите, а што нема, толку е подобра вашата врска.
“Секој треба да разбере каква врска бара и за што не може да се преговара”, објаснува Ема.
“Истражувањето покажува дека обично се чека девет месеци пред врската да премине во фаза на сериозен разговор, но ако отворено кажете што мислите за големи работи како што е брак, деца или каде сакате да живеете, можете да спречите многу болка. Многу луѓето на почетокот ги жртвуваат своите основни потреби и желби затоа што се надеваат дека нивниот партнер ќе го сака истото како и тие на долг рок, но што ако тие не сакаат? Нема да знаете ако не прашате”, заклучува таа.
2. Сексот ве полудува
Првите месеци од врската обично се мешавина од страст, забава и спонтаност, но изборот на партнер само врз сексуална хемија е осуден на пропаст.
“Врската мора да преживее три фази – страст, привлечност и приврзаност. Истражувањата покажуваат дека состојбата на страста трае само до пет месеци, бидејќи таа е поттикната од желбата за сексуално задоволство предизвикана од ослободувањето на тестостерон и естроген. Тие влијаат на центар за задоволство во мозокот. Добивате голема позитивна мотивација кога се занимавате со сексуална активност. По пет месеци завршува фазата на страста и ако немате многу заедничко со партнерот или одеднаш сфатите дека без секс ви е досаден, тешко дека ќе останете со него”.
3. Споредба со родителите
Ако сте воспитани од родители кои не ви понудиле љубов, почит или доверба, можеби барате партнер кој ќе ги пополни тие празнини.
“Во текот на првите месеци од запознавањето, можеби ќе почнете внимателно да го проучувате неговото однесување и особини на личноста за да видите дали ја исполнува или надминува границата што сте му ја поставиле. Ако ги мерите споредувајќи ги со родител кој ве разочарал и ги искористите вашите негативни искуства за да отфрлите многу од позитивните особини што ги имаат, врската е предодредена да пропадне. Иако ова може да изгледа како разумен начин да се заштитите, не е одговорност на вашиот партнер да ги поправи работите или да ја пополни празнината. Само ќе ја саботирате ја вашата врска”.
4. Не прифаќате комплименти
Оние со ниска самодоверба имаат поголема веројатност погрешно да го протолкуваат однесувањето на партнерот, сметајќи го или за неблагодарно или одбивно затоа што не можеле да прифатат дека партнерот ги сака, покажале студиите на психолози од Холандија.
Ема објаснува: “Кога се чувствуваш многу несигурно и се наоѓаш со некој кој те гледа во твоето најдобро светло, соочувањето со тоа како се гледаш себеси во споредба со тоа како тие гледаат на тебе може да биде премногу. Наместо да прифатиш дека треба да поработиш на своите емоционални проблеми, можете да помислите дека тие се во заблуда и неспособни да видат во каков хаос сте. Затоа ја губите почитта кон нив и нивното позитивно мислење за вас.”
5. Зборување за поранешните
“Сите имаме минато, но во новите врски најдобро е тоа да го оставиме во минатото”, објаснува Ема.
“Ѕвончето за тревога што покажува дека дозволувате минатите врски да влијаат на вас е кога го споредувате новиот партнер со бившите и на нив ги проектирате недостатоците на претходните партнери. Ова е непочитување бидејќи вашиот нов партнер немал никаква врска со минатото. Никој не сака да поминува време со нов партнер расчистувајќи ги нивните претходни љубовни врски. Тоа е исклучување”.
Ема додава: “Повторувањето на оваа шема значи дека треба да одвоите време за да се справите со вашиот емоционален багаж и да се спречите да ја контаминирате новата врска”.
6. Избирате партнери за време на овулацијата
Мислите дека го знаете вашиот тип, но ако врските постојано се распаѓаат, време е да размислите.
Ема вели: “Причината зошто жените бараат архетипско лошо момче лежи во нашите гени. Истражувањата покажуваат дека овие “хипер-мажествени” мажи ги сметаме за најпривлечни во средината на нашиот менструален циклус. Инстинктивно сме програмирани да избереме ваков партнер затоа што веруваме дека тој ќе произведе потомство. Но, ако сакате некој верен кој ќе остане во близина кога бебето ќе дојде, малку е веројатно дека тој ќе биде најдобриот избор. Избегнувајте долгорочни романтични одлуки во средината на циклусот кога овулирате. Причекајте. А да се прашате со кој сакате да го поминете животот е клучно. И ако на хартија ставите какви квалитети сакате и каков живот треба да имате, ќе направите подобар избор”.
7. Сакате да се смирите по секоја цена
Да се биде сам може да биде застрашувачки, но не се задоволувајте со погрешна личност.
Ема предупредува: “Никој не сака да биде сам, а луѓето генерално сакаат да бидат во долготрајни, моногамни врски. Сепак, стравот од осаменост значи дека можете да бидете задоволни со помалку отколку што заслужувате или да се вклопите со партнер на кој не му одговарате, што нема да ве усреќи. Иако овие врски би можеле да траат кратко, подобро е да издржите додека не дојде вистинскиот”.
8. И понатаму ги следите апликациите за состаноци
Интернетот значи дека секогаш постојат многу можности – но ако излагате и сѐ уште скролате, вашата врска нема да трае повеќе од неколку месеци.
Ема вели: “Можете да се чувствувате како дете во слаткарница со апликации за запознавање. Меѓутоа, ако излезете и само делумно се посветите на новата врска и никогаш не ја затворате вратата за други можности, тогаш надежта за создавање значајна врска е тенка. Ако поминувате време со вашиот нов партнер, но постојано го споредувате неговиот изглед, кариера и изгледи со другите што ги гледате на интернет, тогаш создавате мит за маж што го сакате. Емоционалната врска што ја создавате со вашите потенцијални онлајн партнери значи дека не се поврзувате во однос кој треба да се обидете да го изградите”.
9. Им го менувате стилот на облекување
Секое моделирање на партнерот во личност што сакате да биде никогаш нема да успее.
Ема објаснува: “На почетокот на врската, ние тежнееме целосно да го прифатиме предметот на нашите желби токму онаков како што е веќе. Меѓутоа, како одминува времето, тој безусловен, позитивен однос што сте го одгледувале према својата половина почнува да бледнее. Тоа значи дека ги буткате или дури им велите да го сменат својот изглед или своето однесување. Тие тука можат само да изгубат затоа што ако се согласат свесно или не, тоа го доживувате како слабост. Прифаќањето на партнерот таков каков што е е единственото решение кое ќе ви гарантира долгорочен успех во врската”.
10. Ве нервираат ситници
Да се биде хиперкритичен кон партнерот значи опасност во врската.
Ема вели: “Никој не сака сè во врска со партнерот, туку се работи за учење да ги оставите малите иритирачки работи на мира. Барањето влакна во јајцето или причината зошто партнерот не е совршен – особено кога од една личност не може да се очекува да ги задоволи сите ваши потреби – е рецепт за катастрофа во врската. Противотров за ова е да замижите пред малите недостатоци и да се фокусирате на позитивните работи”.
