Нов третман за меланом, базиран на вирусот на херпес, покажува ветување, при што туморите дури и целосно исчезнуваат кај некои пациенти.
Повеќе од еден век откако лекарите првпат забележале дека вирусните инфекции понекогаш можат да го спречат растот на ракот, науката конечно би можела да го претвори тоа откритие во сигурно оружје. Друг вирус дизајниран да ги убива клетките на ракот, RP1, наскоро би можел да биде одобрен за употреба во САД, нудејќи нова надеж за пациентите со напреден меланом.
Во клиничко испитување предводено од Gino Kim In од Универзитетот во Јужна Калифорнија, 140 пациенти со напреден меланом примиле инјекции со RP1, генетски модифициран вирус на Herpes simplex, директно во нивните тумори. Овие пациенти претходно не реагирале на стандардни терапии. Покрај RP1, тие примиле и ниволумаб, инхибитор на имунолошките контролни точки.
Резултатите покажале дека 30% од пациентите имале намалување на туморот, вклучително и во областите каде што не бил директно инјектиран.
Половина од оние кои реагирале на третманот имале целосен одговор, што значи дека сите тумори исчезнале, изјави In за New Scientist.
Одлуката на американската ФДА наскоро
Поголемо клиничко испитување со 400 учесници е веќе во тек. Но, In рече дека Администрацијата за храна и лекови на САД (FDA) би можела да го одобри RP1 во комбинација со ниволумаб дури и пред крајот на таа подоцнежна фаза од клиничкото испитување.
FDA треба да ни даде одлука на крајот од овој месец, истакна тој.
Единствениот претходно одобрен вирус за убивање на рак е T-VEC, исто така добиен од Herpes simplex. Тој е одобрен во 2015 година и е модифициран за да произведе GM-CSF, соединение кое го стимулира имунолошкиот одговор. Сепак, T-VEC ретко се користи бидејќи е тестиран исклучиво на површински тумори на кожата.
Спротивно на тоа, RP1 е инјектиран во подлабоки тумори и покажа системски ефекти. Тој ќе ја промовира фузијата на туморските клетки, што му овозможува на вирусот да се шири и го подобрува имунолошката активација.
Ова укажува на посилен системски ефект, рече In.
Доколку биде одобрен, RP1 може да претставува пробив во терапиите што користат вируси за борба против ракот.
Очекувам дека ќе има многу поголем интерес, заклучив на крајот In.
