Ова е она зошто бугарските националисти и негатори на македонската нација и јазик навистина го мразат Јосип Броз Тито

328

Македонскиот новинар Сеад Ризвановиќ со две објави на неговиот фејсбук-профил го сподели својот став околу последните изјави на бугарската влада, кои ви ги пренесуваме во целост:

„Почитувана госпоѓо Захариева,

Прво направивте голема грешка кога во иста реченица ги ставивте Стаљин и Тито, за нивните односи препорачувам да се консултирате со вашата историска комисија, верувам ги знаат фактите,

Во однос на пораката да се откажеме од Тито ако сакаме во ЕУ, жалам но иако сте членка на ЕУ, Бугарија е далеку од субјект кој може да промовира европски вредности, затоа мене тој повик ми е нерелевантен.

Со оглед на фактот дека Маршалот Тито е историска личност морам да Ве соочам со мислењето на релевантни личности кои се сметаат за создавачи на Европската унија за неговото дело.

Па да почнеме:

Винстон Черчил, во август 1944 година: „Причината зошто престанавме да им помагаме на Дража Михаиловиќ и неговите четници е едноставна. Тој не се бореше со Хитлер. Одлучно сме на страната на Тито, поради неговата голема и храбра борба против германската армија.

Шарл де Гол, француски претседател: „Тито е борец кој, и покрај најтешките околности, прогласи победа. Тито е легендарен херој…“

Алдо Моро, премиер на Италија, 1965 година: „Претседателот Тито е човек кој во тешки и критични настани се искачи на симбол на храброст и одлучност во борбата за независност на својата земја….

Вили Брант, канцелар на Германија, 1973 година: „На југословенскиот народ му е судбина и дар да има таков водач во годините на најголема опасност. Јас го гледам претседателот Тито како една од највпечатливите личности на нашето време. Посебно ја ценам храброста и државотворноста на Тито“.

Хелмут Шмит, германски канцелар: „Малку се оние кои успеваат да го стават целиот свој живот, толку бескомпромисно и безмилосно кон себе, во служба на сопствениот народ и светската заедница“.

Фелипе Гонзалес, шпански државник: „Тито беше човек секогаш фокусиран на мирот и слободата на светот“.

Сандро Пертини, италијански претседател: „Со смртта на претседателот Тито, човештвото губи борец кој упорно се бореше за принципите на слобода и правда.

Јоргос Папандреу, грчки политичар, во 1964 година: „Неодамна го нареков маршалот Тито апостол на мирот во грчкото собрание. Јас навистина можам да кажам дека сум возбуден и трогнат од неговата мисија во човештвото – мисијата за слобода и мир.

Сега Захариева да видиме што велат за Тито оние кои ја внесоа вашата и нашата земја во НАТО?

Двајт Ајзенхауер, претседател на САД и генерал: „Маршалот Тито е најголемиот херој на Втората светска војна“.

Франклин Д. Рузвелт, претседател на Соединетите држави, 1944 година: „Одлуката на Тито да се бори против нацистите е пресвртна точка во историјата на Втората светска војна…“

Џорџ Патон, американски генерал: „Маршалот Тито и неговите партизани имаа и политичка и воена храброст да застанат среде окупирана Европа и кога нашите работи не одеа добро, земете оружје и нанесете неочекуван и силен морален удар на Хитлер.

Нил Амстронг, американски астронаут: „Претседателот Тито е човек кој уништувањето и војната ги претвори во создавање и мир“.

Артур Милер, американски писател, 1973 година: „… Кога слушнавме за големиот отпор што партизаните на Тито им го пружаа на германските орди и фашизмот, за време на Втората светска војна за првпат сфативме дека Хитлерова Германија не е непобедлива“.

Ричард Никсон, претседател на Соединетите држави: „… Тито е лидер кој има свои принципи, смисла за хумор, голема меморија и не се плаши од нас Американците!“

Џими Картер, претседател на САД: „Во мир и војна, Тито е дел од историјата на светот, во времето на сегашната генерација и во времето на претходните генерации. Тој е човек со неисцрпна сила, неисцрпна младост, неисцрпен борбен дух и неисцрпна храброст

Но госпоѓо Захариева, претпоставувам дека најтешко ќе Ви падне мислењето на Јуџин Борза, американски историчар Јуџин Н. Борза, „Македонија Редукс“, во „Окото проширено: животот и уметностите во грчко-римската антика“.

Тешко е да се знае дали ќе постоеше независна македонска држава доколку Тито не го признаеше и поддржуваше развојот на македонската етничка припадност како дел од неговата етнички организирана Југославија. Тој го стори тоа како контра на Бугарија, која со векови имаше историско тврдење на областа дури на запад до Охридското Езеро и сегашната граница на Албанија.

Почитувана Захариева, дајте ни сега аргументи зошто славењето на Тито е спротивно на западните вредности па да размислиме?“

„Еве ги вистинските причини зошто бугарските националисти и негатори на македонската нација и јазик навистина го мразат Јосип Броз Тито:

Јајце, 1943 – Основана е Југославија како заедничка татковина на сите нејзини народи, меѓу нив за прв пат во современата историја се формира државотворен субјект со името МАКЕДОНИЈА, како Народна Република МАКЕДОНИЈА а нејзините жители имаат статус на еден од народите на Југославија под името МАКЕДОНЦИ, со што се ФОРМАЛИЗИРА вековната борба на МАКЕДОНСКИОТ народ за своја држава и тој стремеж се заокружува во 1991,

1944 усвоена е МАКЕДОНСКА азбука, МАКЕДОНСКИОТ јазик станува службен јазик во републиката, а МАКЕДОНСКИОТ заедно со Српско-Хрватскиот и Словенечкиот бил еден од трите службени јазици во СФРЈ, Во договор со Тито, бугарскиот претседател Ѓорѓи Димитров признава дека во Бугарија живеат МАКЕДОНЦИ и дозволува учење на МАКЕДОНСКИ јазик во Бугарија,

1945 – Основан е МАКЕДОНСКИОТ народен театар,

1946 – Формирано е Друштвото на ликовните уметници на МАКЕДОНИЈА

1947 – Формирано е друштвото на писателите на МАКЕДОНИЈА, во рамките на МНТ се основа МАКЕДОНСКАТА опера а во 1949 МАКЕДОНСКИОТ балет,

1948 – Основан е Институтот за национална историја со задача да ја изучува „историјата на МАКЕДОНИЈА и МАКЕДОНСКИОТ народ и на народностите кои живеат во неа“,

1949 – Во Скопје е формиран е првиот универзитет во НР МАКЕДОНИЈА,

1949 – Формиран е Фудбалскиот сојуз на МАКЕДОНИЈА,

1958 – Обнова на Охридската архиепископија и формирање на МАКЕДОНСКАТА православна црква,

1967 – Се основа МАКЕДОНСКАТА академија на науките и уметностите,

1976 – Се основа Кинотеката на МАКЕДОНИЈА,

Во 1944 година неписменоста во НР Македонија изнесувала 64%, но „Диктаторот“ до 1951 отворил 1487 училишта, „Диктаторот“ овозможил децата од малцинствата да добијат пристап до образование на нивниот мајчин јазик, и истата година имало 1148 училишта на македонски јазик, 214 училишта на албански, 112 на турски и 13 на спрски јазик кои заедно броеле 177.579 ученици. Во 1959, овој број достигнал 211.556 и во 1973 – 330.698.

Денеска „демократска“ Бугарија за разлика од „Диктаторот“, не признава малцинства и не дозволува учење на мајчин јазик.

Ете, зошто бугарските националисти и негатори на македонската нација го мразат Маршалот Тито”.

Слободен печат