Децата уште во детството се изложени на цигари, алкохол и дрога – пороци кои младите ги промовираат како „кул работи“
Родителите затоа, повеќе од кога и да е мораат да разговараат со своите деца за болестите на зависност.
Но како да се почне ваквиот разговор? Експертите сметаат дека со оваа проблематика децата најдобро е да се запознаат уште од предшколската возраст, а дека секојдневните ситуации ќе ја надоградат приказната за опасностите.
Истражувањата покажуваат дека децата, кои невреме се информирани за дрогите се во помало искушение.
Деца до седум години
Во овој период децата се силно врзани за домот и за се бараат одобрение од родителите. Затоа ова е вистинското време да ги научите на хигиената, здравата исхрана, но и за донесување одлуки за решавање на проблемите. Важно е да се разговара со децата за здравиот начин на живот, за тоа колку убаво ќе се чувствуваат доколку доволно спијат, дека ќе можат со часови да трчаат и да скокаат доколку се хранат здраво.
Научете ги дека самите се одговорни за своето здравје и дека белите заби и свежниот здив зависат од личната хигиена. Објаснете им кои се опасните супстанци во нивното опкружување и зошто е важно лековите никогаш да не ги земаат на своја рака, а што се однесува до цигарите родителите се најдобар пример. Доколку пушат веројатно и детето ќе го следи тој пат.
Училишна возраст
Вашиот мал принц или принцеза во овој период треба да знаат како се чувствувате во врска со конзумирањето на тутун, алкохол и дроги. Фокусирајте се на сегашноста, бидејќи идните последици за нив немаат никакво значење. Ставете им до знаење дека ќе им биде мошне тешко да играат кошарка, доколку се под дејство на алкохол.
Разговарајте со децата за пораките, кои ги испраќаат филмовите, сериите. Тешките и трагичните приказни нека им послужат да ги сфатат последиците и лошата страна на пороците.
Продолжува на страна 2
Кажете им зошто не сакате да пушат, пијат или да употребуваат некои други супстанци. Бидете им пример, бидејќи вашето однесување говори повеќе од зборовите.
Важно е да ги научите децата да ги решаваат проблемите. Нагласете дека „дувањето“ нема долгорочно да им ги реши пробемите со пријателите или со силеџијата во училиштето. Доколку им е тешко отворено да разговараат со вас, нека ви напишат писмо или мејл и на тој начин нека го појаснат својот проблем.
Пубертет
Иако децата во овој период ќе го доведуваат во прашање авторитетот на родителите, вашите совети и упатства ќе им бидат попотребни од кога и да е. Всушност ова е најважниот период во нивниот живот, кога е во прашање земањето дрога. Мошне е важно да ги научите да и кажат „не“ на дрогата.
Децата, кои не знаат како да реагираат доколку им се понуда алкохол или други супстанци или оние кои не знаат како да се извлечат од проблематичните ситуации, полесно подлегнуваат на притисоците.
Затоа „изглумете“ ги овие ситуации и понудете им решение. Појаснете им дека најважно е пред се да имаат длабоко почитување кон самите себе си и кон своето неприкосновено право на слободен избор, како и дека ќе бидат многу попочитувани од околината доколку цврсто заземат свој став.
Пубертетот неизбежно влијае врз децата, па затоа се чувствуваат ранливо, несигурно. Затоа секога фалете ги нивните успеси и трудот, кој го вложуваат. Охрабрете го синот да ги купи патиките, кои навистина му се допаѓаат, а не оние кои ги носат сите во училиштето. Поттикнете ја ќерката да се дружи со вистинските пријатели, а не со „фраерите и рибите“.
Бидејќи во периодот на адолесценцијата се скоцентрирани на својот изглед, искористете го тоа и појаснете им дека цигарите ќе влијаат на лошиот тен и на косата, а алкохолот на тенот и „пивскиот стомак“.
Позитивното размислување, вистинските животни вредности и добрите пријатели се најдобра одбрана од сите опасности.