Иако враснатите влакна можат сами да зараснат со текот на времето, не ги игнорирајте симптомите на инфекција.
Сите барем еднаш во животот сме се сретнале со врасната коса, за која не ни била потребна никаква медицинска интервенција. Иако оваа појава е почеста кај мажите, голем број жени се соочуваат и со проблеми со враснати влакна.
Тие често се безопасни
Врасната коса е влакно кое се свиткало назад во кожата, наместо да расте од површината на кожата. Медицински е познат како „pseudofolliculitis barbae“ и е најчест кај луѓе со густа, крупна или кадрава коса.
Во повеќето случаи, враснатите влакна се сосема безопасни и исчезнуваат сами од себе, но во ретки случаи тие можат да се заразат. Инфицираните враснати влакна можат да бидат многу болни, па затоа е најдобро да не се бричите некое време за да дозволите вашата кожа да заздрави.
Проблемот на враснатите влакна
„Ако враснатото влакно или областа околу него стане многу болно, жешко, црвено или отечено, можеби ќе сакате да го посетите вашиот лекар. Ова е особено важно ако сте развиле висока температура или ако чувствувате треска“, вели Светската здравствена организација.
Во такви ситуации, лекарите применуваат стерилна игла за ослободување на враснатите влакна, по што се дава крем или таблети за лекување на инфекцијата. Меѓутоа, ако враснатото влакно не се лекува, тоа може да доведе до други компликации, кои потенцијално би можеле да бидат фатални.
Враснатото влакно може да предизвика стафилококна инфекција, а ако инфекцијата влезе во крвотокот, доаѓа до сепса. Светската здравствена организација соопшти дека сепсата е одговорна за секоја петта смрт во светот. Иако е малку веројатно да се добие сепса од стафилокок инфекција, сепак е можно. Без разлика, ако стафилокок инфекцијата не се дијагностицира и лекува навреме, може да доведе до хоспитализација, па дури и до одредени операции.
Еден пример е 40-годишен маж од Охајо, чија операција во 2016 година траела шест часа, сето тоа поради компликации предизвикани од враснато влакно. Три години по појавата на враснатото влакно кое не го лекувал, му се појавила циста на ногата, поради што четири месеци бил во кома во болница.
Како се лекува?
Влакната може нежно да се извлечат со топла крпа и мека четка за заби. Откако ќе ја натопите крпата во топла вода, нанесете ја на враснатото влакно за да ги загреете и да ги опуштите порите и фоликулите. Триењето на крпата со нежни кружни движења може да помогне да се одвие влакното.