Се покажало дека колку повеќе време поминуваме со некого, нашата ДНК станува слична
Гледате стари фотографии, слушате стари пораки, загледани сте во телефонот чекајќи порака, тоа се само неколку работи кои ги правите кога ви недостасува вашиот партнер. Менталните и емоционалните симптоми на копнеж по некој може да бидат очигледни, но дали знаете дека и телото може да реагира кога некој толку многу ви недостасува?
Кога некој толку ви е близок, формираме и емоционална блискост. Прво, на што ќе мислиме кога се будиме и последно на што мислиме кога легнуваме е таа блиска личност. Нема подобро чувство отколку дека сме длабоко емоционално поврзани со друга личност. Партнерот станува дел од нас и кога го нема чувствуваме дека нешто ни недостига и дека не сме комплетни.
Се покажало дека колку повеќе време поминуваме со некого, нашата ДНК станува слична. Значи, кога некоја личност не е со нас, не ни недостига само психолошки – исто така, недостасува и на нашата ДНК. А ова се некои од телесните знаци дека некој неизмерно ни недостасува:
1. ПРОБЛЕМИ ВО СПИЕЊЕТО
Се превртувате во кревет и не можете да заспиете, без разлика колку сте уморни. Ова е еден од главните телесни знаци дека ви недостасува вашиот партнер. Една студија од Универзитетот во Флорида, од 2015 година, покажала дека мозокот, кога сме осамени, лачи норепинефрин.
Кога тоа ќе се случи, тешко е мозокот и телото да се исклучат за да можат да се одморат. Друга студија спроведена од страна на психологот Лиза Дајмонд од Универзитетот во Јута покажала дека двојките кои биле одделени четири до седум дена имале благи симптоми, како што се нарушувања на спиењето, како резултат на зголемување на хормоните на стресот.
2. БОЛКИ ВО ЖЕЛУДНИКОТ
Кога партнерот ќе замине на подолго време, пократко или засекогаш, можете да почувствувате мачнина. Целосно е природно да почнете да чувствувате симптоми на анксиозност, кои може да се изразат со грчеви во стомакот, металоиди, гадење, затоа што мозокот има големо влијание врз здравјето на цревата.
3. ЗАБРЗАНО ЧУКАЊЕ НА СРЦЕТО И ВИСОК ПРИТИСОК
Продолжува на страна 2
Друг вообичаен симптом на копнеж по некој, поврзан е со васкуларниот систем. Емоционалниот стрес може да го стимулира чувството дека сте во опасност и телото се подготвува за сè што е потребно за да преживее. Зголемениот адреналин може да предизвика побрз пулс и поголем притисок.
4. ПРОБЛЕМ НА ФОКУСИРАЊЕ
Се обидувате да се концентрирате на решавање задача или читање. Отсуството на партнерот може да биде виновник, што тоа воопшто не ви оди од рака. Тоа особено се случува на почетокот на врската. Во таа фаза, ние сме толку преокупирани од другата личност што таа станува главен фокус. Лишени од присуство на партнерот, уште повеќе размислуваме за него.
КАКО ДА СИ ПОМОГНЕМЕ?
Постојат различни начини на кои партнерот може да ни недостасува, ментално, емоционално и физички. Психолозите советуваат, ако партнерот толку силно ви недостасува, читајте некое списание, правете го она што го сакате и за кое никогаш не сте имале време, поминувајте време со пријателите кои не сте ги виделе во последно време, гледајте ТВ емисии кои сте ги пропуштиле.
Сосема е нормално да ви недостасува вашиот партнер, колку и да се физичките знаци непријатни, можеби ви покажуваат дека се работи за голема љубов.
Ако имате симптоми на депресија или чувствувате дека физичките симптоми ја попречуваат вашата способност да водите среќен и здрав живот, консултирајте се со експерт, за да пронајдете начини како да се справите со тоа.