Отровот на опасниот жолт шкорпион (Deathstalker) е најскапата течност во светот, пишува Business Insider. Имено, галон (околу 3,8 литри) на таа смртоносна течност чини до 39 милиони долари или околу 10 милиони долари за литар.
Но, дури и ако некој има пари за литри од опасната течност, до неа многу тешко би можел да дојде. Имено, една шкорпија произведува максимум два милиграма отров, а во повеќето случаи се “одмолзува” рачно. Откако еднаш отровот ќе се земе мора да помине низ процесот на чистење и лиофилизација (сушење по пат на замрзнување) и се продава како прашок во милиграми, чија цена се движи помеѓу 8.000 и 12.000 долари.
А, според пресметките на Business Insider, за да се добие еден галон од скапоцената течност една шкорпија би требало да ја измолзите 2.64 милиони пати. Неговата цена е толку висока поради неколку важни карактеристики. Освен што отровот на жолтата шкорпија е смртоносен, тој содржи стотици корисни состојки кои, сведени на молекуларно ниво, можат да се користат во медицински цели.
Продолжува на страна 2
На пример, отровот на шкорпијата корисен е во борбата против болести што убиваат милиони луѓе годишно – ракот. Поточно, токсинот што се наоѓа во телото на шкорпијата се користи за идентификација на големината и локацијата на туморот во човечкото тело, а моментално научниците спроведуваат истражувања со кои бараат начин како со помош на отровот од шкорпијата, не само да ги пронајдат туку и да ги уништат канцерогените келии.
Покрај тоа, научниците ја отстрануваат маларијата од комарците со помош на шкорпијата, а исто така истражуваат дали може протеинот, кој се наоѓа во отровот на шкорпијата, да помогне во лекувањето на мултипна склероза, лупусот, инвазивните болести на цревата и реумата. Сем отровот на жолтиот шкорпион, и отровот добиен од синиот шкорпион се користи како составен дел во некои аналгетици и лекови против запаленија.
Како што се зголемува бројот на истражувањата, а со тоа и начинот на кој може отровот на шкорпијата да се користи, се зголемува и потребата за “чудотворната течност”до која тешко се доаѓа. Од таа причина научниците бараат и начин на кој би можел што повеќе да се добие од течноста. Така, некои од нив го измислиле уредот за молзење на шкорпиите, кој го забрзува макотрпниот процес, а воедно го прави посигурен.