Кремаста, лесна за правење и неверојатно вкусна …
Потребно
– за бисквитното тесто
- 150 гр путер
- 100 гр шеќер
- 3 жолчки
- 150 гр мелени бадеми
- 100 гр брашно
– за филот
- 1 кг јаболки
- 1 лимон
– за кремот
- 5 жолчки
- 200 гр шеќер
- 6 лажици нишесте
- 700 мл млеко
- 2 лажичиња ванилин шеќер
– за шлагот
- 8 белки
- 250 гр шеќер во прав
Подготовка
- Прво подгответе го тестото за кората. Изматете ги жолчките и додадете ги и останатите состојки со постојано матење. Добиената смеса сипете ја во намастен калап за торта и ставете да се пече во загреана рерна на 180 целзиусови степени околу 20 минути.
- Додека се пече тестото подгответе го филот. Јаболките излупете ги и изрендајте ги. Додадете го сокот од лимон и ставете ги на рингла да се динстаат 10-15 минути.
- Следно подгответе го кремот. Изматете ги жолчките со шеќерот. Додадете го нишестето и измешајте. Ставете го да се вари млекото со ванилиниот шеќер и пред да почне да врие постепено додадете ги изматените жолчки со постојано мешање. Варете го кремот додека да се згусне. Оставете го да се излади.
- За шлагот изматете ги белките со шеќерот.
- На млакото бисквитно тесто нанесете го млакиот фил од јаболки, над него млакиот крем и најодозгора шлагот од белки. Ставете го во загреана рерна да се запече 15-тина минути на 180 целзиусови степени.