Неодамнешниот топлотен бран особено силно ги погоди ранливите групи, како што се луѓето со претходни здравствени проблеми и постарите лица.
Климатските промени речиси го утроија бројот на смртни случаи поврзани со топлината во големите европски градови за време на екстремниот топлотен бран од крајот на јуни до почетокот на јули, според нова студија објавена во среда.
Научници од Велика Британија, Данска, Холандија и Швајцарија анализирале услови во 12 големи европски градови помеѓу 23 јуни и 2 јули.
Студијата на Imperial Collegea во Лондон и Лондонската школа за хигиена и тропска медицина ги вклучувале градовите Барселона, Мадрид, Лондон и Милано, каде што истражувачите се сложиле дека климатските промени ги зголемиле температурите на топлотните бранови до 4°C.
Тие проценуваат дека околу 2.300 луѓе починале од причини поврзани со топлината во текот на десетдневниот период, при што околу две третини од смртните случаи – околу 1.500 – се припишуваат на климатските промени.
Температурите во многу градови се искачиле на екстремни нивоа во текот на овој период, честопати надминувајќи 40°C.
Без глобалното затоплување, за кое студијата вели дека ги зголемила дневните температури во градовите за дополнителни 1°C до 4°C, околу 800 луѓе би умреле од топлината, според пресметките на научниците.
За анализата, тимот ги споредил реалните температури регистрирани во градовите во овој период со моделирани вредности што би се случиле без климатските промени. Потоа го пресметал очекуваниот број на смртни случаи поврзани со топлината за двата сценарија.
Неодамнешниот топлотен бран особено ги погодил ранливите групи, како што се луѓето со претходни здравствени проблеми и постарите лица.
Според тимот, 88% од проценетите смртни случаи се случиле кај луѓе на возраст од 65 години и постари.