Обидот за пуч во Русија заврши во саботата на 23 јуни во вечерните часови.
Поранешниот шеф на британската армија, Lord Richard Dannatt, смета дека настаните во Русија од саботата не треба да се сфатат туку така и дека наводно во позадина има голема замка за Украина.
Обидот за државен удар во Русија заврши вечерта во саботата на 23 јуни, кога по интервенција на белорускиот претседател Александар Лукашенко беше склучено примирје меѓу рускиот претседател Владимир Путин и лидерот на Вагнер, Евгениј Пригожин.
Тензиите се смирија, но поранешниот шеф на британската армија, Lord Dannatt, смета дека зад сето тоа се крие голема замка за Украина, пишува британски “Express”.
Пригожин сега наводно е во Белорусија, односно треба да биде според договорот што е склучен во саботата вечерта, со интервенција на претседателот на таа земја Александар Лукашенко.
Според тој договор, неговите единици се вратиле во своите бази во замена за безбедносни гаранции, а самиот Пригожин заминал во Белорусија.
Lord Dannatt смета дека работите не се толку едноставни и стравува дека Вагнер од Белорусија би можел да го нападне Киев! Ова го изјави во програмата “Sky News” на новинарката Sophie Ridge.
– Наводно ја напуштил сцената и заминал во Белорусија и тоа е сега крајот на единицата Вагнер и Пригожин? Мислам дека неговото заминување во Белорусија е многу загрижувачко. Она што не го знаеме, а ќе дознаеме во наредните часови и денови е колку од негови борци заминале со него таму. Ако заминал во Белорусија држејќи ги борбените сили со себе, тогаш тој претставува сериозна закана за Украина, која е блиску до Киев, а сето тоа започнало таму на 24 февруари (2022 година). Иако се чини дека оваа работа е завршена, мислам дека последователните потреси ќе одекнуваат некое време. Украина мора да внимава на своите крила и да биде подготвена за маневри за одбивање на напади кои може да дојдат од правец на Белорусија – изјави Dannatt.
